[977] Handadāni vanantāni pakkamāmi yathāsukhaṁ
netādisā sakhā honti labbhā me jīvato sakhā.

[978] Na pāpajanasaṁsevī accantaṁ sukhamedhati
1 Ma. sa phāti. 2 Ma. agginikāsiphālimaṁ. 3 Ma. nikūjati.
Manojaṁ passa semānaṁ giriyassānusāsanī 1 .

[979] Na pāpasampavaṅkena mātā puttena nandati
manojaṁ passa semānaṁ acchannaṁ samhi lohite.

[980] Evamāpajjate poso pāpiyo ca nigacchati
yo ve hitāna vacanaṁ na karoti atthadassinaṁ.

[981] Evañca so hoti tatova 2 pāpiyo
yo uttamo adhamajanūpasevī
passuttamaṁ adhamajanūpaseviṁ 3
migādhipaṁ saravaraveganiddhutaṁ.

[982] Nihīyati puriso nihīnasevī
na ca hāyetha kadāci tulyasevī
seṭṭhamupagamañca udeti khippaṁ
tasmā attano uttaraṁ 4 bhajethāti.
Manojajātakaṁ dutiyaṁ.
--------
3 Sutanajātakaṁ 5

[983] Rājā te bhattaṁ pāhesi suciṁ maṁsūpasecanaṁ
maghadevasmiṁ adhivatthe ehi nikkhamma bhuñjassu.

[984] Ehi māṇava orohi 6 bhikkhamādāya sūpitaṁ
1 Sī. Yu. ... ariyassānusāsanī. 2 Ma. tato ca. 3 Ma. adhamajanūpasevitaṁ.
4 Ma. tasmāttano uttaritaraṁ. 5 Ma. sutanujātakaṁ. 6 Sī. Ma. orena.
Tvañca māṇava bhakkhosi 1 ubho bhakkhā bhavissatha.

[985] Appakena tuvaṁ yakkha thullamatthaṁ jahissasi
bhikkhante nāharissanti janā maraṇasaṅkino 2 .

[986] Laddhāyaṁ yakkha 3 tava niccabhikkhaṁ
suciṁ paṇītaṁ rasasādhupetaṁ 4
bhikkhañca te āhariyo naro idha
sudullabho hohiti khādite 5 mayi.