[987] Mameva 6 sutanaṁ 7 attho yathā bhāsasi māṇava
mayā tvaṁ samanuññāto sotthiṁ passāhi mātaraṁ.

[988] Khaggaṁ chattañca pātiñca gacchevādāya 8 māṇava
sotthiṁ passatu te mātā tvañca passāhi mātaraṁ.

[989] Evaṁ yakkha sukhī hohi saha sabbehi ñātibhi
dhanañca me adhigataṁ rañño ca vacanaṁ katanti.
Sutanajātakaṁ tatiyaṁ.
-------
4 Mātuposakagijjhajātakaṁ

[990] Te kathannu karissanti vuḍḍhā giridarīsayā
ahaṁ bandhosmi 9 pāsena niliyassa vasaṁ gato.

[991] Kiṁ gijjha paridevesi kā nu te parivedanā
1 Ma. bhikkhā ca. 2 Sī. Ma. maraṇasaññino. 3 Ma. laddhāya yakkhā.
4 Ma. rasasā upetaṁ. 5 Ma. hehiti bhikkhite. 6 Sī. Yu. mamesa.
7 Ma. sutano. 8 Ma. gacchamādāya. 9 Ma. baddhosmi.
Name suto vā diṭṭho vā bhāsanto mānusiṁ dijo.

[992] Bharāmi mātāpitaro vuḍḍhe giridarīsaye
te kathannu karissanti ahaṁ vasaṁ gato tava.

[993] Yannu gijjho yojanasataṁ kuṇapāni avekkhati
kasmā jālañcapāsañca āsajjāpi na bujjhasi.

[994] Yadā parābhavo hoti poso jīvitasaṅkhaye
atha jālañca pāsañca āsajjāpi na bujjhati.

[995] Bharassu mātāpitaro vuḍḍhe giridarīsaye
mayā tvaṁ samanuññāto sotthiṁ passāhi ñātake.

[996] Evaṁ luddaka nandassu saha sabbehi ñātibhi
bharissaṁ mātāpitaro vuḍḍhe giridarīsayeti.
Mātuposakagijjhajātakaṁ catutthaṁ.
---------
5 Dabbapupphajātakaṁ 1