[997] Anutīracārī bhaddante sahāyamanudhāva maṁ
mahā me gahito maccho so maṁ harati vegasā.

[998] Gambhīracārī bhaddante daḷhaṁ gaṇhāhi thāmasā
ahaṁ taṁ uddharissāmi supaṇṇo uragammiva 2 .

[999] Vivādo no samuppanno dabbapuppha suṇohi me
1 Ma. dabbhapuppha .... evamuparipi. 2 Ma. uragāmiva.
Samehi medhagaṁ 1 samma vivādo vūpasammatu 2 .

[1000] Dhammaṭṭhohaṁ pure āsiṁ bahuaṭṭaṁva tīritaṁ 3
samemi medhagaṁ 1 samma vivādo vūpasammatu 2 .

[1001] Anutīracārī naṅguṭṭhaṁ sīsaṁ gambhīracārino
accāyaṁ 4 majjhimokhaṇḍo dhammaṭṭhassa bhavissati.

[1002] Ciraṁpi bhakkho abhavissa sace na vivademase
asīsakaṁ anaṅguṭṭhaṁ sigālo harati rohitaṁ.

[1003] Yathāpi rājā nandeyya rajjaṁ laddhāna khattiyo
evāhamajja nandāmi disvā puṇṇamukhaṁ patiṁ.

[1004] Kathannu thalajo santo udake macchaṁ parāmasi
puṭṭho me samma akkhāhi kathaṁ adhigataṁ tayā.

[1005] Vivādena kisā honti vivādena dhanakkhayā
jinā uddā vivādena bhuñja māyāvi rohitaṁ.

[1006] Evameva manussesu vivādo yattha jāyati.
Dhammaṭṭhaṁ paṭidhāvanti so hi nesaṁ vināyako
dhanāpi tattha jīyanti rājakoso pavaḍḍhatīti.
Dabbapupphajātakaṁ pañcamaṁ.
---------
6 Dasaṇṇakajātakaṁ 5