[957] Paṇītaṁ bhuñjase bhattaṁ sappitelañca mātula
atha kena nu vaṇṇena kīso 5 tvamasi vāyasa.

[958] Amittamajjhe vasato tesu āmisamesato
niccaṁ ubbiggahadayassa kuto kākassa daḷhiyaṁ.

[959] Niccaṁ ubbiggino 6 kākā dhaṅkā pāpena kammunā
1 Ma. suggatī. 2 Sī. Yu. suvassa. 3 Ma. uññassa vā vanibbano.
4 Ma. datvāva sesaṁ. 5 Ma. kiso. 6 Sī. ubbedhino. Ma. ubbegino.
Laddho piṇḍo na pīṇeti kīso tenasmi vaṭṭaka.

[960] Lūkhāni tiṇavījāni appasnehāni bhuñjasi
atha kena nu vaṇṇena thūlo tvamasi vaṭṭaka.

[961] Appicchā appacintāya avidūragamena 1 ca
laddhāladdhena yāpento thūlo tenasmi vāyasa.

[962] Appicchassa hi posassa appacintisukhassa 2 ca
susaṅgahitappamāṇassa 3 vuttī susamudāniyāti.
Vaṭṭakajātakaṁ navamaṁ.
--------
10 Maṇijātakaṁ 4

[963] Cirassaṁ vata passāmi sahāyaṁ maṇidhārinaṁ
sukatā 5 massukuttiyā sobhate vata me sakhā.

[964] Parūḷhakacchanakhalomo ahaṁ kamme subyāvaṭo
cirassaṁ nahāpitaṁ laddhā lomantamajjahārayi 6 .

[965] Yaṁ nu lomaṁ ahāresi dullabhaṁ laddhakappakaṁ
atha kiñci hi te samma kaṇṭhe kiṁnikilāyati 7 .

[966] Manussasukhumālānaṁ maṇi kaṇṭhesu lambati
1 Ma. adūragamanena ca. 2 Ma. appacintasukhassa ca. 3 Ma. susaṅgahitamānassa.
4 Sī. Yu. kākajātakaṁ. Ma. pārāvatajātakaṁ. 5 Sī. Yu. sukatāya.
6 Ma. lomaṁ taṁ ajja hārayiṁ. 7 Sī. Ma. atha kiñcarahi te samma kaṇṭhe kiṇikiṇāyati.
Tesāhaṁ anusikkhāmi mā tvaṁ maññi davā kataṁ.