[947] Ākiṇṇaluddho puriso dhāticolaṁva 3 makkhito
tasmiṁ me vacanaṁ natthi tañcārahāmi vattave 4 .

[948] Anaṅgaṇassa posassa niccaṁ sucigavesino
vālaggamattapāpassa 5 abbhāmattaṁva khāyati.

[949] Addhā maṁ yakkha jānāsi atho maṁ anukampasi
punapi yakkha vajjāsi yadā passasi edisaṁ.

[950] Neva taṁ upajīvāmi napi te bhatikamhase 6
tvameva bhikkhu jāneyya yena gaccheyya suggatinti.
Upasiṅghapupphajātakaṁ sattamaṁ.
-----------
8 Vighāsādajātakaṁ

[951] Susukhaṁ vata jīvanti ye janā vighāsādino
1 Ma. siṅghapupphajātakaṁ. Sī. Yu. bhisapupphajātakaṁ. 2 Yu. yamekaṁ. 3 Ma.
dhāticelaṁva. 4 Sī. vaṇṇave. 5 Ma. vālaggamattaṁ pāpassa.
6 Ma. bhatakāmhase. Sī. Yu. bhatakamhase.
Diṭṭheva dhamme pāsaṁsā samparāye ca suggati 1 .

[952] Sukassa 2 bhāsamānassa na nisāmetha paṇḍitā
idaṁ suṇātha sodariyā amhevāyaṁ pasaṁsati.

[953] Nāhaṁ tumhe pasaṁsāmi kuṇapādā suṇātha me
ucchiṭṭhabhojino tumhe na tumhe vighāsādino

[954] Sattavassā pabbajitā majjharaññe sikhaṇḍino
vighāseneva yāpentā mayaṁ ce bhoto gārayhā
ke nu bhoto pasaṁsiyā.

[955] Tumhe sīhānaṁ byagghānaṁ vāḷānañcāvasiṭṭhakaṁ
ucchiṭṭheneva yāpentā maññivho vighāsādino.

[956] Ye brāhmaṇassa samaṇassa aññassa ca vaṇibbino 3
datvāvasesaṁ 4 bhuñjanti te janā vighāsādinoti.
Vighāsādajātakaṁ aṭṭhamaṁ.
----------
9 Vaṭṭakajātakaṁ