[927] Mamañca disvāna pavaḍḍhakāyaṁ
sabbo jano hiṁsitumevamicche
sāduñca thūlañca muduñca maṁsaṁ
kākāpi maṁ disvāna 4 viheṭhayeyyuṁ.

[928] Sace tassa hetumha ubho gahītā
uṭṭhātu poso visamāvamāmi 5
mamañca kākañca pamuñca khippaṁ
1 Ma. gahessasi. 2 Ma. kaṇhasappaṁ. 3 Ma. gahetvāna dakāya. 4 Sī. Yu. disvā.
5 Sī. Yu. visamācamāni.
Pure visaṁ gāḷhamupeti maccaṁ.

[929] Sappaṁ pamokkhāmi na tāva kākaṁ
paṭibaddhako 1 hoti 2 hi tāva kāko
purisañca disvāna sukhiṁ arogaṁ
kākaṁ pamokkhāmi yatheva sappaṁ.

[930] Kāko *- tadā devadatto ahosi
vāraṇo 3 pana kaṇhasappo ahosi
ānandabhadro kakkaṭako ahosi
ahaṁ tadā brāhmaṇo homi satthāti 4 .
Suvaṇṇakakkaṭakajātakaṁ catutthaṁ.
---------
5 Mayhakasakuṇajātakaṁ 5

[931] Sakuṇo mayhako nāma girisānudarīcaro
pakkaṁ pipphalimāruyha mayhaṁ mayhanti kandati.

[932] Tassevaṁ vilapantassa dijasaṅghā samāgatā
bhutvāna pipphaliṁ yanti vilapateva 6 so dijo.

[933] Evameva idhekacco saṅgharitvā bahuṁ dhanaṁ
nevattano na ñātīnaṁ yathodhiṁ paṭipajjati.

[934] Na so acchādanaṁ bhattaṁ na mālaṁ na vilepanaṁ
1 Ma. paṭibandhako. 2 Ma. hohiti. * Sī. kāko .pe. satthāti ime pāṭhā natthi.
3 Ma. māro. 4 Sī. Yu. tatthāti. 5 Ma. mayhakajātakaṁ. 6 Ma. vilapatveva.
Nānubhoti 1 sakiṁ kiñci na saṅgaṇhāti ñātake.

[935] Tassevaṁ vilapantassa mayhaṁ mayhanti rakkhato
rājāno athavā corā dāyādā ye ca 2 appiyā
dhanamādāya gacchanti vilapateva so naro.

[936] Dhīro bhoge adhigamma saṅgaṇhāti ca ñātake
tena so kittiṁ pappoti pecca sagge pamodatīti 3 .
Mayhakasakuṇajātakaṁ pañcamaṁ.
---------
6 Pabbajitaviheṭhakajātakaṁ 4