[907] Aparaṁpi samma te bālyaṁ yo mutto na palāyasi
so ca bālataro samma yaṁ tvaṁ vahasi senakaṁ.

[908] Yannu samma ahaṁ bālo ajarāja vijānahi
1 Ma. sadarīmukha neru latā ca puna. 2 Ma. kharaputta .... 3 Ma. vastaṁ. Sī. Yu. bhastaṁ.
4 Ma. tvaṁ khopi. Yu. tvañca kho. 5 Ma. rajjuyā hi.
Atha kena senako bālo taṁ me akkhāhi pucchito.

[909] Uttamatthaṁ labhitvāna bhariyāya 1 yo padassati
tena jahissatattānaṁ sā cevassa na hessati.

[910] Na piyammeti 2 janinda tādiso
attaṁ niraṅkatva piyāni sevati
attāva seyyo paramāva 3 seyyo
labbhā piyā ocitattena 4 pacchāti.
Khuraputtajātakaṁ paṭhamaṁ.
----------
2 Sūcijātakaṁ

[911] Akakkasaṁ apharusaṁ kharadhotaṁ supāsiyaṁ
sukhumaṁ tikhiṇaggañca ko sūciṁ ketumicchati.

[912] Sumajjañca supāsañca anupubbasuvattitaṁ 5
ghanaghātimaṁ paṭitthaddhaṁ ko sūciṁ ketumicchati.

[913] Itodāni patāyanti sūciyo balisāni ca
koyaṁ kammāragāmasmiṁ sūciṁ vikketumicchati.

[914] Ito satthāni gacchanti kammantā vividhā puthū
koyaṁ kammāragāmasmiṁ sūciṁ vikketumarahati 6 .
1 Yu. bhariyā. 2 Ma. nave piyammeti. 3 Ma. paramā ca. 4 Ma. ocitatthena.
5 Sī. anupubbaṁ suvaḍḍhitaṁ. Ma. anupubbaṁ suvaṭṭitaṁ. 6 Ma. vikketumicchati.

[915] Sūci 1 kammāragāmasmiṁ vikketabbā pajānatā
ācariyā pajānanti 2 kammaṁ sukatadukkaṭaṁ.

[916] Imañca 3 te pitā bhadde sūciṁ jaññā mayā kataṁ
tayā ca maṁ nimanteyya yañcatthaññaṁ ghare dhananti.
Sūcijātakaṁ dutiyaṁ.
----------
3 Tuṇḍilajātakaṁ