[917] Navacchaddake 4 dāni diyyati
puṇṇāyaṁ doṇi suvāminī ṭhitā
bahuko jano pāsapāṇiko 5
no ca kho me paṭibhāti bhuñjituṁ.

[918] Tasasi bhamasi leṇamicchasi
atāṇosi kuhiṁ gamissasi
appossuko bhuñja tuṇḍila
maṁsatthāya [6]- posiyāmase 7 .

[919] Ogaha rahadaṁ akaddamaṁ
sabbaṁ sedamalaṁ pavāhaya
gaṇhāhi navaṁ vilepanaṁ
1 Ma. sūcī. 2 Ma. ācariyāva jānanti. 3 Ma. imañce. 4 navachannake.
5 Sī. Ma. bahuke jane pāsapāṇike. 6 Ma. hi. 7 Ma. positāmhase.
Yassa gandho na kadāci chijjati.

[920] Katamo nu rahado akaddamo
kiṁsu sedamalanti vuccati
katamañca navaṁ vilepanaṁ
kassa 1 gandho na kadāci chijjati.

[921] Dhammo rahado akaddamo
pāpaṁ sedamalanti vuccati
sīlañca navaṁ vilepanaṁ
tassa gandho na kadāci chijjati.

[922] Nandanti sarīraghātino
na ca nandanti sarīradhārino
puṇṇāya [2]- puṇṇamāsiyā
ramamānāva jahanti jīvitanti.
Tuṇḍilajātakaṁ tatiyaṁ.
-------
4 Suvaṇṇakakkaṭakajātakaṁ

[923] Siṅgī migo āyatacakkhunetto
aṭṭhittaco vārisayo alomo
tenābhibhūto kapaṇaṁ rudāmi
hare sakhā kissa nu maṁ jahāsi.
1 Ma. yassa. 2 Ma. ca.

[924] So assasanto mahatā phaṇena
bhujaṅgamo kakkaṭakajjhapatto
sakhā sakhāraṁ paritāyamāno
bhujaṅgamaṁ kakkaṭako aggahesi 1 .

[925] Na vāyasaṁ no pana sapparājaṁ 2
ghāsatthiko kakkaṭako adeyya
pucchāmi taṁ āyatacakkhunetta
atha kissa hetumha ubho gahītā.

[926] Ayaṁ puriso mama atthakāmo
yo maṁ gahetvā udakāya 3 neti
tasmiṁ mate dukkhamanappakaṁ me
ahañca eso ca ubho na homa.