[937] Dubbaṇṇarūpaṁ tvamariyavaṇṇī
purakkhitvā 5 pañjaliko namassasi
seyyo nu te so udāhu 6 sarikkho
nāmaṁ parassattano cāpi brūhi.

[938] Na nāmagottaṁ gaṇhanti rāja
samaggatānujjugatāna 7 devā
ahañca te nāmadheyyaṁ vadāmi
sakkohamasmī tidasānamindo.

[939] Yo disvā bhikkhuṁ caraṇūpapannaṁ
purakkhitvā 5 pañjaliko namassati
pucchāmi taṁ devarājetamatthaṁ
1 Ma. anubhoti. 2 Ma. yeva. 3 Sī. Yu. sagge ca modatīti.
4 Ma. vijjādharajātakaṁ. Sī. Yu. dhajaviheṭhakajātakaṁ. 5 Ma. purakkhatvā.
6 Ma. udā. 7 Ma. sammaggatā...
Ito cuto kiṁ labhate sukhaṁ so.

[940] Yo disvā bhikkhuṁ caraṇūpapannaṁ
purakkhitvā pañjaliko namassati
diṭṭheva dhamme labhate pasaṁsaṁ
saggañca so yāti sarīrabhedā.

[941] Lakkhī vata me udapādi ajja
yaṁ vāsavaṁ bhūtipatiddasāma 1
bhikkhuñca disvāna tuvañca sakka
kāhāmi puññāni anappakāni.

[942] Addhā have sevitabbā sapaññā
bahussutā ye bahuṭhānacintino
bhikkhuñca disvāna mamañca rāja
karohi puññāni anappakāni.

[943] Akkodhano niccapasannacitto
sabbātithīyācayogo bhavitvā
nihañña 2 mānaṁ abhivādayissaṁ
sutvāna devinda subhāsitānīti.
Pabbajitaviheṭhakajātakaṁ chaṭṭhaṁ.
-----------
1 Ma. bhūtapatiddasāma. 2 Ma. nihacca.
7 Upasiṅghapupphajātakaṁ 1

[944] Yametaṁ 2 vārijaṁ pupphaṁ adinnaṁ upasiṅghasi
ekaṅgametaṁ theyyānaṁ gandhathenosi mārisa.

[945] Na harāmi na bhañjāmi ārā siṅghāmi vārijaṁ
atha kena nu vaṇṇena gandhathenoti vuccati.

[946] Yoyaṁ bhisāni khaṇati puṇḍarīkāni bhañjati
evaṁ ākiṇṇakammanto kasmā eso na vuccati