[897] Vācāya *- sakhilo hoti manopaviduggo siyā
paṭicchanno kūpassayo kaṇhasappova dhammaddhajo
gāmanigamāsu sādhu sammato dujjāno ayaṁ
1 Ma. bhaddaṁ vo. 2 Ma. Yu. potañca. * Sī. Ma. evaṁ dissati
vācāya sakhilo manoviduggo
channo kupassayova kaṇhasappo
dhammaddhajo gāmanigamāsu sādhu
dujjāno purisena bālisena.
Purisena bālisena *-.

[898] Imaṁ tuṇḍehi pakkhehi pādā cimaṁ viheṭhatha 1
chavaṁ himaṁ vināsetha nāyaṁ saṁvāsanārahoti.
Dhammaddhajajātakaṁ navamaṁ.
----------
10 Nandiyamigarājajātakaṁ

[899] Sace brāhmaṇa gacchasi 2 sāketaṁ añjanaṁ 3 vanaṁ
vajjāsi nandiyaṁ nāma puttaṁ asmākamorasaṁ
mātāpitā ca te vuḍḍhā te taṁ icchanti passituṁ.

[900] Bhuttā mayā nivāpāni rājino pānabhojanaṁ
taṁ rājapiṇḍaṁ avabhottuṁ nāhaṁ brāhmaṇamussahe.

[901] Odahissāmahaṁ passaṁ khurappānissa 4 rājino
tadāhaṁ sukhito mutto api passeyya mātaraṁ.

[902] Migarājā pure āsiṁ kosalassa niketave 5
nandiyo nāma nāmena abhirūpo catuppado.

[903] Taṁ maṁ vadhitumāgacchi dāyasmiṁ añjanāvane 6
dhanuṁ ārajjaṁ katvāna usuṁ sandhāya 7 kosalo.

[904] Tassāhaṁ odahiṁ passaṁ khurappānissa rājino
1 Ma. vipothatha. 2 Ma. gacchesi. 3 Ma. sākete ajjunaṁ. 4 Sī. khurappāṇissa.
Yu. khurapāṇissa. 5 Ma. niketane. 6 Ma. ajjune vane. 7 Ma. sannayha.
Tadāhaṁ sukhito mutto mātaraṁ daṭṭhumāgatoti.
Nandiyamigarājajātakaṁ dasamaṁ.
Āvāriyavaggo paṭhamo.
----------
Tassuddānaṁ
atha kujjharathesabha ketuvaro
darīmukha sanerutā ca puna 1
apananda sirī ca sucittavaro
atha dhammika nandimigena dasa.
----------
2 Khuraputtavaggo 2
1 khuraputtajātakaṁ 2

[905] Saccaṁ kirevamāhaṁsu kalakaṁ 3 bāloti paṇḍitā
passa bālo rahokammaṁ āvikubbaṁ na bujjhati.

[906] Tvaṁ nu kho 4 samma bālosi khuraputta vijānahi
rajjuyāhi 5 parikkhitto vaṅkoṭṭho ohitomukho.