[877] Ahampi kho taṁ 3 jānāmi netaṁ tumhesu vijjati
santi loke alakkhikā saṅgharanti bahuṁ dhanaṁ
ahaṁ devo ca me bhātā ubho naṁ vidhamāmase.

[878] Kā nu dibbena vaṇṇena paṭhabyā supatiṭṭhitā
kā vā tvaṁ kassa vā dhītā kathaṁ jānemu taṁ mayaṁ.

[879] Mahārājassahaṁ dhītā dhataraṭṭhasirīmato 4
ahaṁ sirī ca lakkhī ca bhūripaññāti maṁ vidū
okāsaṁ yācito dehi vasemu tava santike.

[880] Kiṁsīle kiṁsamācāre purise nivise 5 tuvaṁ
puṭṭhā me lakkhi akkhāhi yathā jānemu taṁ mayaṁ.

[881] Yo cāpi sīte athavāpi uṇhe
vātātape ḍaṁsasiriṁsape ca
khudda 6 pipāsaṁ abhibhuyya sabbaṁ
rattindivaṁ yo satataṁ niyutto
1 Ma. seyyaṁ so. 2 Yu. davappaladdho. 3 Sī. cetaṁ. 4 Ma. dhataraṭṭhassa sirīmato.
5 Ma. nivisase. 6 Ma. khudhaṁ. Yu. khudaṁ.
Kālāgatañca na hāpeti atthaṁ
so me manāpo nivise vatamhi 1 .

[882] Akkodhano mittavā cāgavā ca
sīlūpapanno asathojubhūto 2
saṅgāhako sakhilo saṇhavāco
mahattapattopi nivātavutti
tasmiṁha 3 pose vipulā bhavāmi
ummī 4 samuddassa yathāpi vaṇṇaṁ.

[883] Yo cāpi mitte athavā amitte
seṭṭhe sarikkhe athavāpi hīne
atthaṁ carantaṁ athavā anatthaṁ
āvī raho saṅgahameva vatto 5
vācaṁ na vajjā pharusaṁ kadāci
matassa jīvassa ca tassa homi.

[884] Etesa yo aññataraṁ labhitvā
kantaṁ siriṁ 6 majjati appapañño
taṁ dittarūpaṁ visamaṁ carantaṁ
karīsajātaṁva 7 vivajjayāmi.

[885] Attanā kurute lakkhiṁ alakkhiṁ kurutattanā
1 Ma. ca tamhi. 2 Yu. asaṭho ujjubhūto. 3 Ma. tasmiṁhaṁ. Sī. Yu. tasmāhaṁ.
4 Ma. ūmi. 5 Ma. vatte. 6 Ma. kantā sirī. 7 Ma. karīsaṭhānaṁva.
Na hi lakkhiṁ alakkhiṁ vā añño aññassa kārakoti.
Sirikāḷakaṇṇijātakaṁ sattamaṁ.
---------
8 Kukkuṭajātakaṁ

[886] Sucittapattachādana 1 tambacūḷa vihaṅgama
oroha dumasākhāya mudhā bhariyā bhavāmi te.