[867] Tassa puttā ca dārā ca ye caññe anujīvino
sabbe byasanamāpāduṁ anovādakare dije.

[868] Evampi idha vuḍḍhānaṁ yo vākyaṁ nāvabujjhati
atisīmaṁ caro 1 ditto gijjho vātītasāsano
sabbe byasanaṁ papponti akatvā buddhasāsananti 2 .
Migālopajātakaṁ chaṭṭhaṁ.
---------
7 Sirikāḷakaṇṇijātakaṁ

[869] Kā nu kāḷena vaṇṇena na cāpi 3 piyadassanā
kā vā tvaṁ kassa vā dhītā kathaṁ jānemu taṁ mayaṁ.

[870] Mahārājassahaṁ dhītā virūpakkhassa caṇḍiyā
ahaṁ kāḷī alakkhikā kāḷakaṇṇīti maṁ vidū
okāsaṁ yācito dehi vasemu tava santike.

[871] Kiṁsīle kiṁsamācāre purise nivise 4 tuvaṁ
puṭṭhā me kāḷi akkhāhi kathaṁ 5 jānemu taṁ mayaṁ.

[872] Makkhī palāsī sārambhī issukī maccharī satho
so mayhaṁ puriso kanto laddhaṁ yassa vinassati.

[873] Kodhano upanāhī ca pisuṇo ca vibhedako
kaṇṭakavāco 6 pharuso so me kantataro tato.
1 Ma. atisīmacaro. 2 vuddhasāsananti. 3 Sī. na cāsi. 4 Ma. nivisase.
5 Sī. Yu. yathā. 6 Ma. kaṇḍakavāco. Sī. Yu. aṇḍakavāco.

[874] Ajja suveti puriso sadatthaṁ nāvabujjhati
ovajjamāno kuppati seyyaso 1 atimaññati.

[875] Davappaluddho 2 puriso sabbamittehi dhaṁsati
so mayhaṁ puriso kanto tasmiṁ homi anāmayā.

[876] Apehi etto tvaṁ kāḷi netaṁ amhesu vijjati
aññaṁ janapadaṁ gaccha nigame rājadhāniyo.