[847] Miḷhena 1 littā ruhirena makkhitā
semhena littā upanikkhamanti
yaṁ yaṁ hi kāyena phusanti tāvade
sabbaṁ asātaṁ dukkhameva kevalaṁ.

[848] Disvā vadāmi na hi aññato savaṁ
pubbenivāsaṁ bahukaṁ sarāmi
citrāhi gāthāhi subhāsitāhi
darīmukho nijjhāpayī sumedhanti.
Darīmukhajātakaṁ tatiyaṁ.
---------
4 Nerujātakaṁ

[849] Kākolā kākasaṅghā ca mayañca patataṁ varā
sabbeva sadisā homa imaṁ āgamma pabbataṁ.

[850] Idha sīhā ca byagghā ca sakuṇā 2 ca migādhamā
1 Ma. mīḷhena. 2 Sī. Ma. siṅgālā.
Sabbeva sadisā honti ayaṁ ko nāma pabbato.

[851] Imaṁ nerunti 1 jānanti manussā pabbatuttamaṁ
idha vaṇṇena sampannā vasanti sabbapāṇino.

[852] Amānanā yattha siyā santānaṁ vā vimānanā
hīnasammānanā vāpi na tattha vasatī 2 vase.

[853] Yattha alaso ca dakkho ca sūro bhīru ca pūjiyā
na tattha santo vasanti avisesakare nage 3 .

[854] Nāyaṁ neru vibhajati hīnaukkaṭṭhamajjhime
avisesakaro neru handa neruṁ jahāmaseti.
Nerujātakaṁ catutthaṁ.
--------
5 Āsaṅkajātakaṁ

[855] Āsāvatī nāma latā jātā cittalatāvane
tassā vassasahassena ekaṁ nibbattate phalaṁ.

[856] Taṁ devā payirupāsanti tāva dūraphale sati 4
āsiṁseva 5 tuvaṁ rāja āsā phalavatī sukhā.