[827] Alañhi te jagghitāye mamaṁ disvāna edisaṁ
vilūnaṁ sūdaputtena piṭṭhamaṭṭhena 4 makkhitaṁ.

[828] Sunhāto suvilittosi annapānena tappito
1 Ma. jīno. evamuparipi. 2 Ma. maññe tvaññeva. Yu. tvampi maññeva.
3 Ma. kataṁ ceva. 4 Sī. Yu. piṭṭhamaddena. Ma. piṭṭhamaṇḍena.
Kaṇṭhe ca te veḷuriyo agamāsi 1 kajaṅgalaṁ.

[829] Mā te mitto amitto vā agamāsi kajaṅgalaṁ
piñjāni 2 tattha lāyitvā kaṇṭhe bandhanti vaṭṭanaṁ.

[830] Puna pāpajjasī samma sīlaṁ hi tava tādisaṁ
na hi mānusakā bhogā subhuñjā honti pakkhinoti 3 .
Kapotakajātakaṁ niṭṭhitaṁ.
Aḍḍhavaggo tatiyo.
---------
Tassuddānaṁ
atha vaṇṇa sasīla hiri labhate
sumukhāsi sasāliya 4 mittavaro
atha cakka palāsa sarāja sato
yava bāla kapotaka paṇṇarasa 5 .
---------
Tatra vagguddānaṁ bhavati.
Jinañca vaṇṇaṁ asamaṁ vaguppari
sudesitā jātakanti santi vīsati
mahesino brahmacarittamutta
mavoca gāthā atthavatī subyañjanā.
Pañcakanipātaṁ niṭṭhitaṁ.
1 Sī. Ma. agamā nu. 2 Ma. piñchāni. 3 Ma. pakkhiṇāti. 4 Ma. sumukhā visa sāḷiya.
5 idaṁ dutiyatatiyavaggaduvaye samodhānuddānaṁ.
Chakkanipātajātakaṁ
1 āvāriyavaggo 1
1 āvāriyajātakaṁ 1

[831] Māsu kujjha 2 bhūmipati māsu kujjha 2 rathesabha
kuddhaṁ appaṭikujjhanto rājā raṭṭhassa pūjito
gāme vā yadivāraññe ninne vā yadivā thale
sabbatthamanusāsāmi 3 māsu kujjha 2 rathesabha.

[832] Āvāriyapitā nāma ahu gaṅgāya nāviko
pubbe janaṁ tārayitvā 4 pacchā yācati vetanaṁ
tenassa bhaṇḍanaṁ hoti na ca bhogehi vaḍḍhati.

[833] Atiṇṇaññeva yācassu apāraṁ tāta nāvika
añño hi tiṇṇassa mano añño hoti tiresino 5 .

[834] Gāme vā yadivāraññe ninne vā yadivā thale
sabbatthamanusāsāmi 3 māsu kujjhittha nāvika.

[835] Yāyeva anusāsaniyā rājā gāmavaraṁ adā
tāyeva anusāsaniyā nāviko paharī mukhaṁ.

[836] Bhattaṁ bhinnaṁ hatā bhariyā gabbho ca patito chamā
migova jātarūpena na tenatthaṁ avaḍḍhitunti 6 .
Āvāriyajātakaṁ paṭhamaṁ.
1 Ma. sabbattha avāriYu. -. 2 Sī. Yu. māssu kujjhi. 3 Ma. sabbattha anusāsāmi.
4 Ma. tārayitvāna. 5 Ma. pāresino. Sī. Yu. taresino. 6 Ma. abandhisūti.
2 Setaketujātakaṁ