[817] Sabbaṁ sutamadhīyetha hīnamukkaṭṭhamajjhimaṁ
sabbassa atthaṁ jāneyya na ca sabbaṁ payojaye
hoti tādisako kālo yattha atthāvahaṁ sutanti.
Mūsikajātakaṁ tatiyaṁ.
--------
4 Culladhanuggahajātakaṁ

[818] Sabbaṁ bhaṇḍaṁ samādāya pāraṁ tiṇṇosi brāhmaṇa
paccāgaccha lahuṁ khippaṁ mampi tārehidāni bho 4 .

[819] Asanthutaṁ maṁ cirasanthutena
nimini 5 bhotī adhuvaṁ 6 dhuvena
mayāpi bhotī nimineyya aññaṁ
ito ahaṁ dūrataraṁ gamissaṁ.

[820] Kāyaṁ eḷagaṇigumbe 7 karoti ahuhāsiyaṁ
nayidha naccaṁ vā gītaṁ vā tālaṁ vā susamāhitaṁ
anamhikāle 8 sussoṇi kinnu jagghasi sobhane.

[821] Sigāla bāla dummedha appapaññosi jambuka
1 Yu. dīghametaṁ. 2 Ma. samāsajja. 3 Ma. nāṅgaputtapinena vā. 4 Sī. Ma. dānito.
5 Ma. nimīni. 6 Ma. addhuvaṁ. 7 Sī. Ma. elagalāgumbe. 8 Yu. anamhakāle.
Jinno 1 macchañca pesiñca kapaṇo viya jhāyasi.

[822] Sudassaṁ vajjamaññesaṁ attano pana duddasaṁ
jinnā patiñca jārañca mampi tvaññeva 2 jhāyasi.

[823] Evametaṁ migarāja yathā bhāsasi jambuka
sā nūnāhaṁ ito gantvā bhattu hessaṁ vasānugā.

[824] Yo hare mattikaṁ thālaṁ kaṁsathālampi so hare
kataṁyeva 3 tayā pāpaṁ punapevaṁ karissasīti.
Culladhanuggahajātakaṁ catutthaṁ.
---------
5 Kapotakajātakaṁ

[825] Idāni khomhi sukhito arogo
nikkaṇṭako nippatito kapoto
kāhāmidāni hadayassa tuṭṭhiṁ
tathāhi maṁ maṁsasākaṁ baleti.

[826] Kāyaṁ balākā sikhinī corī laṅghīpitāmahā
oraṁ balāke āgaccha caṇḍo me vāyaso sakhā.