[797] Upari visālā duppūrā 2 icchāvisadagāminī 3
1 Ma. aṭṭhāpihi ca. 2 Sī. upari visālaṁ duppūraṁ. 3 Ma. icchāvisaṭagāminī.
Ye ca taṁ anugijjhanti te honti cakkadhārinoti.
Mittavindukajātakaṁ navamaṁ.
--------
10 Palāsajātakaṁ

[798] Haṁso palāsamavaca nigrodho samma jāyati
aṅkasmiṁ te nisinnova so te mammāni chejjati 1 .

[799] Vaḍḍhatāmeva nigrodho patiṭṭhassa bhavāmahaṁ
yathā pitā ca mātā ca evameso 2 bhavissati.

[800] Yaṁ tvaṁ aṅkasmiṁ vaḍḍhesi khīrarukkhaṁ bhayānakaṁ
āmanta kho taṁ gacchāma vuḍḍhimassa na ruccati.

[801] Idāni kho maṁ bhāyati 3 mahānerunidassanaṁ
haṁsassa anabhiññāya mahā me bhayamāgataṁ.

[802] Na tassa vuḍḍhi kusalappasatthā
yo vaḍḍhamāno ghasate patiṭṭhaṁ
tassūparodhaṁ parisaṅkamāno
patārayī mūlavadhāya dhīroti.
Palāsajātakaṁ dasamaṁ.
Vaṇṇārohavaggo dutiyo 4 .
-----------
1 Ma. checchati. 2 Ma. evaṁ me so. 3 Ma. bhāyeti. 4 idha tassuddānaṁ
tatiyavaggāvasāne samohitaṁ.
3 Aḍḍhavaggo
1 dīghītikosalajātakaṁ

[803] Evaṁ bhūtassa te rāja āgatassa vase 1 mama
atthi nu koci pariyāyo yo taṁ dukkhā pamocaye.

[804] Evambhūtassa me tāta āgatassa vase tava
natthi no koci pariyāyo yo maṁ dukkhā pamocaye.

[805] Nāññaṁ sucaritaṁ rāja nāññaṁ rāja subhāsitaṁ
tāyate maraṇakāle evamevitaraṁ dhanaṁ.

[806] Akkocchi maṁ avadhi maṁ ajini maṁ ahāsi me
ye ca taṁ upanayhanti veraṁ tesaṁ na sammati
akkocchi maṁ avadhi maṁ ajini maṁ ahāsi me
ye ca taṁ nūpanayhanti veraṁ tesūpasammati.