[777] Yañca jaññā kule jātaṁ gabbhe tittaṁ amacchariṁ
tena sakhiñca mittañca dhīro sandhātumarahatīti.
Ahituṇḍikajātakaṁ pañcamaṁ.
-----------
6 Gumbiyajātakaṁ

[778] Madhuvaṇṇaṁ madhurasaṁ madhugandhaṁ visaṁ ahu
1 Ma. senāmokkhapalābhena. 2 Ma. jagatipālā. 3 Sī. vuttomhi. 4 Sī. Yu. sevehi.
Gumbiyo ghāsamesāno araññe odahī visaṁ.

[779] Madhu iti maññamānā ye taṁ visamasāyisuṁ 1
tesantaṁ kaṭukaṁ āsi maraṇaṁ tenupāgamuṁ.

[780] Ye ca kho paṭisaṅkhāya visanti 2 parivajjayuṁ
te āturesu sukhitā dayhamānesu nibbutā.

[781] Evameva manussesu visakāmā 3 samohitā
āmisaṁ bandhanañcetaṁ maccuvaso 4 guhāsayo.

[782] Evameva ime kāme āturā paricārike
ye sadā parivajjanti saṅgaṁ loke upaccagunti.
Gumbiyajātakaṁ chaṭṭhaṁ.
--------
7 Sāliyajātakaṁ

[783] Yvāyaṁ sāliyacchāpoti kaṇhasappaṁ agāhayi
tena sappenayaṁ daṭṭho hato pāpānusāsako.

[784] Ahantaramahantāraṁ yo naro hantumicchati
evaṁ so nihato seti yathāyaṁ puriso hato.

[785] Ahanantamaghātentaṁ 5 yo naro hantumicchati
evaṁ so nihato seti yathāyaṁ puriso hato.

[786] Yathā paṁsumuṭṭhi puriso paṭivātaṁ paṭikkhipe
1 Ma. visamakhādisuṁ. 2 Sī. Ma. visantaṁ. 3 Ma. visaṁ kāmā. 4 Ma. maccuveso.
5 Ma. ahantāramaghātentaṁ.
Tameva so rajo hanti yathāyaṁ puriso hato.