[767] Pavivekarasaṁ pitvā rasaṁ upasamassa ca
niddaro hoti nippāpo dhammapītirasaṁ pivanti.
Hirijātakaṁ tatiyaṁ.
-------
4 Khajjopanakajātakaṁ

[768] Konu santamhi pajjote aggipariyesanaṁ caraṁ
addakkhi rattiṁ 1 khajjotaṁ jātavedaṁ amaññatha.

[769] Svāssa 2 gomayacuṇṇāni abhimatthaṁ tiṇāni ca
viparītāya saññāya nāsakkhi pajjaletave.

[770] Evampi anupāyena atthaṁ na labhate mūgo 3
visāṇato gavaṁ dohaṁ yattha khīraṁ na vindati.

[771] Vividhehi upāyehi atthaṁ papponti māṇavā
niggahena amittānaṁ mittānaṁ paggahena ca.
1 Ma. ratti. 2 Ma. svassa. 3 Ma. migo.

[772] Senīmokkhūpalābhena 1 vallabhānaṁ nayena ca
jagatiṁ jagatīpālā 2 āvasanti vasundharanti.
Khajjopanakajātakaṁ catutthaṁ.
---------
5 Ahituṇḍikajātakaṁ

[773] Dhuttomhi 3 samma sumukha jūte akkhaparājito
harehi 4 ambapakkāni vīriyante bhakkhayāmase.

[774] Alikaṁ vata maṁ samma abhūtena pasaṁsasi
ko te suto vā diṭṭho vā sumukho nāma makkaṭo.

[775] Ajjāpi me taṁ manasi yaṁ maṁ tvaṁ ahituṇḍika
dhaññāpaṇaṁ pavisitvā matto chātaṁ hanāsi maṁ.

[776] Tāhaṁ saraṁ dukkhaseyyaṁ api rajjampi kāraye
nevāhaṁ yācito dajjaṁ tathāhi bhayatajjito.