[757] Na so mitto yo sadā appamatto
bhedāsaṅkī randhamevānupassī
yasmiñca seti urasīva putto
save mitto yo abhejjo parebhīti.
Vaṇṇārohajātakaṁ paṭhamaṁ.
1 Ma. sudāṭha. 2 Ma. saddaheyuya.
2 Sīlavīmaṁsajātakaṁ

[758] Sīlaṁ seyyo sutaṁ seyyo iti me saṁsayo ahu
sīlameva sutā seyyo iti me natthi saṁsayo.

[759] Moghā jāti ca vaṇṇo ca sīlameva kiruttamaṁ
sīlena anupetassa sutenattho na vijjati.

[760] Khattiyo ca adhammaṭṭho vesso cādhammanissito
te pariccajjubho loke upapajjanti duggatiṁ.

[761] Khattiyā brāhmaṇā vessā suddā caṇḍālapukkusā
idha dhammaṁ caritvāna bhavanti tidive samā.

[762] Na vedā samparāyāya na jāti napi 1 bandhavā
sakañca sīlasaṁsuddhaṁ samparāyasukhāvahanti 2 .
Sīlavīmaṁsajātakaṁ dutiyaṁ.
--------
3 Hirijātakaṁ

[763] Hirintarantaṁ vijigucchamānaṁ
tavāhamasmi iti bhāsamānaṁ
seyyāni kammāni anādiyantaṁ
neso mamanti iti naṁ vijaññā.

[764] Yañhi kayirā tañhi vade yaṁ na kayirā na taṁ vade
1 Ma. nāpi. Yu. nopi. 2 Sī. Ma. samparāyasukhāya ca.
Akarontaṁ bhāsamānaṁ parijānanti paṇḍitā.

[765] Na so mitto yo sadā appamatto
bhedāsaṅkī randhamevānupassī
yasmiñca seti urasīva putto
save mitto yo abhejjo parebhi.

[766] Pāmojjakaraṇaṁ ṭhānaṁ pasaṁsāvahanaṁ sukhaṁ
phalānisaṁso bhāveti vahanto porisaṁ dhuraṁ.