[737] Ahameva dūsiyā bhūnahatā rañño mahāpatāpassa
etaṁ muñcatu dhammapālaṁ hatthe me deva chedahi 2 .

[738] Ahameva dūsiyā bhūnahatā rañño mahāpatāpassa
etaṁ muñcatu dhammapālaṁ pāde me deva chedahi 2 .

[739] Ahameva dūsiyā bhūnahatā rañño mahāpatāpassa
1 Ma. papothayeyyaṁ. 2 Ma. chedehi.
Etaṁ muñcatu dhammapālaṁ sīsaṁ me deva chedahi 1 .

[740] Naha nūnimassa rañño mittāmaccā ca vijjare
suhadā ye na vadanti rājānaṁ mā ghātayi orasaṁ puttaṁ.

[741] Naha nūnimassa rañño mittā ñātī ca vijjare
suhadā ye na vadanti rājānaṁ mā ghātayi atrajaṁ puttaṁ.

[742] Candanasārānulittā bāhā chijjanti dhammapālassa
dāyādassa paṭhabyā pāṇā me deva rujjhantīti.
Culladhammapālajātakaṁ aṭṭhamaṁ.
----------
9 Suvaṇṇamigajātakaṁ

[743] Vikkama re mahāmiga 2 vikkama re harīpada 3
chinda varattikaṁ 4 pāsaṁ nāhaṁ ekā vane rame.

[744] Vikkamāmi na pāremi bhūmiṁ sumbhāmi vegasā
daḷho varattiko 5 pāso pādaṁ me parikantati.

[745] Attharassu palāsāni asiṁ nibbāha luddaka
paṭhamaṁ maṁ vadhitvāna hana pacchā mahāmigaṁ.

[746] Na me sutaṁ vā diṭṭhaṁ vā bhāsantiṁ mānusiṁ migiṁ
tvañca bhadde sukhī hohi eso cāpi mahāmigo.