[717] Uragova tacaṁ jiṇṇaṁ hitvā gacchati santanuṁ
evaṁ sarīre nibbhoge pete kālakate sati
dayhamāno na jānāti ñātīnaṁ paridevitaṁ
tasmā etaṁ na socāmi gato so tassa yā gati.

[718] Anabbhito 4 tato āgā nānuññāto 5 ito gato
yathāgato tathā gato tattha kā paridevanā
dayhamāno na jānāti ñātīnaṁ paridevitaṁ
tasmā etaṁ na socāmi gato so tassa yā gati.

[719] Sace rode kīsā 6 assaṁ tassā me kiṁ phalaṁ siyā
1 Ma. candanasārānulitte. 2 Ma. sāmā ca kho candanalittagattā.
3 Sī. Ma. laṭṭhīva. 4 Sī. anavhāto. Ma. anavhito. 5 Ma. ananuññāto.
6 Ma. kisā. Yu. kisī.
Ñātimittasuhajjānaṁ bhiyyo no aratī siyā
dayhamāno na jānāti ñātīnaṁ paridevitaṁ
tasmā etaṁ na socāmi gato so tassa yā gati.

[720] Yathāpi dārako candaṁ gacchantaṁ anurodati
evaṁ sampadamevetaṁ yo petamanusocati
dayhamāno na jānāti ñātīnaṁ paridevitaṁ
tasmā etaṁ na socāmi gato so tassa yā gati.

[721] Yathāpi udakakumbho bhinno appaṭisandhiyo
evaṁ sampadamevetaṁ yo petamanusocati
dayhamāno na jānāti ñātīnaṁ paridevitaṁ
tasmā etaṁ na socāmi gato so tassa yā gatīti.
Uragajātakaṁ catutthaṁ.
---------
5 Dhaṅkajātakaṁ 1

[722] Aññe socanti rodanti aññe assumukhā janā
pasannamukhavaṇṇosi kasmā ghaṭa na socasi.

[723] Nābbhatītaharo soko nānāgatasukhāvaho
tasmā dhaṅka na socāmi natthi soke dutīyatā.

[724] Socaṁ paṇḍukiso hoti bhattañcassa na ruccati
amittā sumanā honti sallaviddhassa ruppato.
1 Sī. Ma. ghaṭajātakaṁ.

[725] Gāme vā yadivāraññe ninne vā yadivā thale
ṭhitaṁ maṁ nāgamissati 1 evaṁ diṭṭhapado ahaṁ.

[726] Yassattā nālamekova sabbakāmarasāharo
sabbāpi paṭhavī tassa na sukhaṁ āvahissatīti.
Dhaṅkajātakaṁ pañcamaṁ.
--------
6 Kārandiyajātakaṁ 2