[697] Te janā sukhamedhanti narā saggagatāriva
ye vācaṁ sandhibhedassa nāvabodhanti sārathīti.
Sandhibhedajātakaṁ navamaṁ.
--------
10 Devatāpañhajātakaṁ

[698] Hanti hatthehi pādehi mukhañca parisumbhati
save rāja piyo hoti kantena tvābhipassasi 2 .

[699] Akkosati yathākāmaṁ āgamañcassa necchati 3
save rāja piyo hoti kantena tvābhipassasi 2 .

[700] Abbhakkhāti abhūtena alikenābhisāraye
1 Sī. Yu. yayimaṁ. 2 Sī. ... mabhipassasi. 3 Ma. icchati.
Save rāja piyo hoti kantena tvābhipassasi.

[701] Haraṁ annañca pānañca vatthasenāsanāni ca
(aññadatthuṁ 1 harā santā)
teve rāja piyā honti kantena tvābhipassasīti.
Devatāpañhajātakaṁ dasamaṁ.
Cullakuṇālavaggo pañcamo.
---------
Tassuddānaṁ
narānaṁ asakkhi vasimhavaro
niliyamaggivarañca puna
puna rasāyasakūṭavaro
tathārañña sārathi hanti dasa.
--------
Tatra vagguddānaṁ bhavati.
Vivaraṁ 2 pucimandañca kuṭidūsaṁ bahubhāṇakaṁ 3
cullakuṇālavaggo so pañcamo suppakāsitoti.
Catukkanipātaṁ niṭṭhitaṁ.
--------
1 Ma. aññadatthu. 2 ma kāliṅga .... 3 Ma. kuṭidūsaka kokilā.
Pañcakanipātajātakaṁ
1 maṇikuṇḍalavaggo
1 maṇikuṇḍalajātakaṁ

[702] Jinno raṭṭhassamaṇikuṇḍale ca 1
putte ca dāre ca tatheva jinno 2
sabbesu bhogesu asesakesu 3
kasmā na santappasi sokakāle.

[703] Pubbeva maccaṁ vijahanti bhogā
macco vā te 4 pubbataraṁ jahāti
asassatā bhogino kāmakāmi
tasmā na socāmahaṁ sokakāle.

[704] Udeti pūreti khīyati 5 cando
atthaṅgametvāna 6 paleti sūriyo
vijitā 7 mayā sattuka lokadhammā
tasmā na socāmahaṁ sokakāle.

[705] Alaso gihī kāmabhogī na sādhu
1 Sī. Ma. jīno rathassaṁ maṇikuṇḍale ca. 2 Ma. jīno. 3 Sī. Yu. asesitesu.
4 Yu. ca ne. 5 Sī. Ma. āpūreti veti. 6 Sī. Ma. atthaṁ tapetvāna.
7 Sī. Ma. viditā.
Asaññato pabbajito na sādhu
rājā na sādhu anisammakārī
yo paṇḍito kodhano taṁ na sādhu.

[706] Nisamma khattiyo kayirā nānisamma disampati
nisammakārino rañño 1 yaso kittī 2 ca vaḍḍhatīti.
Maṇikuṇḍalajātakaṁ paṭhamaṁ.
---------
2 Sujātajātakaṁ