[707] Kinnu santaramānova lāyitvā haritaṁ tiṇaṁ
khāda khādāti lapasi gatasantaṁ jaraggavaṁ
nahi annena pānena mato goṇo samuṭṭhahe
tvañca tucchaṁ vilapasi yathātaṁ dummatī tathā.

[708] Tatheva tiṭṭhati sīsaṁ hatthapādā ca vāladhi
sotā tatheva tiṭṭhanti maññe goṇo samuṭṭhahe
nevayyakassa sīsaṁ vā 3 hatthapādāva 4 dissare
rudaṁ mattikathūpasmiṁ nanu tvaññeva dummati.

[709] Ādittaṁ vata maṁ santaṁ ghatasittaṁva pāvakaṁ
vārinā viya osiñcaṁ sabbaṁ nibbāpaye daraṁ
abbūḷhaṁ 5 vata me sallaṁ sokaṁ hadayanissitaṁ 6
1 Ma. rāja. 2 Ma. kitti. 3 Ma. sīsañca. 4 Ma. ca. 5 Ma. abbahī.
6 Sī. Ma. yamāsi hadayassitaṁ.
Yo me sokaparetassa pitusokaṁ apānudi.

[710] Sohaṁ abbūḷhasallosmi vītasoko anāvilo
na socāmi na rodāmi tava sutvāna māṇava.

[711] Evaṁ karonti sappaññā ye honti anukampakā
vinivattenti sokamhā sujāto pitaraṁ yathāti.
Sujātajātakaṁ dutiyaṁ.
-------
3 Venasākhajātakaṁ 1

[712] Nayidaṁ niccaṁ bhavitabbaṁ brahmadatta
khemaṁ subhikkhaṁ sukhatā 2 ca kāye
atthaccaye mā ahu sampamūḷho
bhinnaplavo sāgarasseva majjhe.

[713] Yāni karoti puriso tāni attani passati
kalyāṇakārī kalyāṇaṁ pāpakārī ca pāpakaṁ
yādisaṁ vapate bījaṁ tādisaṁ ruhate 3 phalaṁ.

[714] Idaṁ tadācariyavaco pārācariyo 4 yadabravi
māssu 5 tvaṁ akari pāpaṁ yantaṁ 6 pacchā kataṁ tape.

[715] Ayameva so piṅgiyo 7 venasākho 8
1 Sī. Yu. dhonasākhajātakaṁ. 2 Sī. suhatā. 3 Sī. Ma. harate. 4 Sī. Ma. pārāsariyo.
5 Ma. māsu. 6 Ma. yaṁ tvaṁ. 7 Ma. piṅgiya. 8 Sī. Yu. dhonasākho.
Yamhi ghātayiṁ khattiyānaṁ sahassaṁ
alaṅkate candanasāralitte 1
tameva dukkhaṁ paccāgataṁ mamaṁ.

[716] Sāmāpi kho candanalittagattī 2
siṅgūva 3 sobhañjanakassa uggatā
adisvā kālaṁ karissāmi ubbariṁ
taṁ me ito dukkhataraṁ bhavissatīti.
Venasākhajātakaṁ tatiyaṁ.
---------
4 Uragajātakaṁ