[687] Dūto ahaṁ rājidha rakkhasānaṁ
vadhāya tuyhaṁ pahitohamasmi
1 Sī. Ma. sādūni. 2 Sī. rukkhā. 3 Ma. sāmāanīvāraṁ. 4 Ma. sāduṁ vā
yadivāsāduṁ. 5 Yu. so. 6 Sī. Ma. cetayase.
Indo ca taṁ rakkhati devarājā
tenuttamaṅgaṁ na te 1 phālayāmi.

[688] Sace ca maṁ rakkhati devarājā
devānamindo maghavā sujampati
kāmaṁ pisācā vinadantu sabbe
na santase rakkhasiyā pajāya.

[689] Kāmaṁ kaṇḍantu 2 kumbhaṇḍā sabbe paṁsupisācakā
nālaṁ pisācā yuddhāya mahatī sā vibhesikāti 3 .
Ayakūṭajātakaṁ sattamaṁ.
---------
8 Araññajātakaṁ

[690] Araññā gāmamāgamma kiṁsīlaṁ kiṁvataṁ ahaṁ
purisaṁ tāta seveyyaṁ taṁ me akkhāhi pucchito.

[691] Yo taṁ vissāsaye tāta vissāsañca khameyya te
sussūsī ca titikkhī ca taṁ bhajehi ito gato.

[692] Yassa kāyena vācāya manasā natthi dukkaṭaṁ
urasīva patiṭṭhāya taṁ bhajehi ito gato.

[693] Haliddarāgaṁ kapicittaṁ purisaṁ rāgavirāginaṁ
1 Sī. Yu. na hi. 2 Ma. kandantu. 3 Sī. Yu. vihesikā. Ma. vibhiṁsikā.
Tādisaṁ tāta mā sevi nimmanussampi ce siyāti.
Araññajātakaṁ aṭṭhamaṁ.
--------
9 Sandhibhedajātakaṁ

[694] Neva itthīsu sāmaññaṁ nāpi bhakkhesu sārathi
athassa sandhibhedassa passa yāva sucintitaṁ.

[695] Asi tikkhova maṁsamhi pesuññaṁ parivattati
yatthūsabhañca sīhañca bhakkhayanti migādhamā.

[696] Imaṁ so sayanaṁ seti yamimaṁ 1 passasi sārathi
yo vācaṁ sandhibhedassa pisuṇassa nibodhati.