[677] Ekikā sayane setu yā te ambe avāharīti.
Ambajātakaṁ catutthaṁ.
--------
5 Gajakumbhajātakaṁ

[678] Vanaṁ yadaggi dahati pāvako kaṇhavattanī
kathaṁ karosi pacalaka evaṁ dandhaparakkamo.

[679] Bahūni rukkhachiddāni paṭhabyā vivarāni ca
tāni ce nābhisambhoma hoti no kālapariyāyo.

[680] Yo dandhakāle tarati taraṇīye ca dandhati
sukkhapaṇṇaṁva akkamma atthaṁ bhañjati attano.

[681] Yo dandhakāle dandheti taraṇīye ca tārayi
sasīva rattiṁ vibhajaṁ tassattho paripūratīti.
Gajakumbhajātakaṁ pañcamaṁ.
---------
1 Ma. abhisārikā. 2 Ma. mā adda. Sī. Yu. mā addasa.
6 Kesavajātakaṁ

[682] Manussindaṁ jahitvāna sabbakāmasamiddhinaṁ
kathaṁ nu bhagavā kesi kappassa ramati assame.

[683] Sādhūni 1 ramaṇīyāni santi vakkhā 2 manoramā
subhāsitāni kappassa nārada ramayanti maṁ.

[684] Sālīnaṁ odanaṁ bhuñje sucimaṁsūpasecanaṁ
kathaṁ sāmākanivāraṁ 3 aloṇaṁ chādayanti taṁ.

[685] Sādhuṁ vā yadivāsādhuṁ 4 appaṁ vā yadivā bahuṁ
vissattho yattha bhuñjeyya vissāsaparamā rasāti.
Kesavajātakaṁ chaṭṭhaṁ.
--------
7 Ayakūṭajātakaṁ

[686] Sabbāyasaṁ kūṭamatippamāṇaṁ
paggayha yo 5 tiṭṭhasi antalikkhe
rakkhāya maṁ tvaṁ vihitonusajja
udāhu me vāyamase 6 vadhāya.