[727] Eko araññe girikandarāyaṁ
paggayha mahantaselaṁ pavejjhasi 3
punappunaṁ santaramānarūpo
kārandiya 4 konu tavayidhattho.

[728] Ahañhimaṁ sāgarasevitantaṁ
samaṁ karissāmi yathāpi pāṇiṁ 5
vikīriya sānūni ca pabbatāni [6]-
tasmā selaṁ kandarāyaṁ 7 pakkhipāmi.

[729] Nayimaṁ mahiṁ arahati pāṇikappaṁ
samaṁ manusso karaṇāyameko
maññāmi maññeva dariṁ jigiṁsaṁ 8
1 Sī. na maṁ taṁ āgamissati. 2 Ma. koraṇḍiyajātakaṁ. 3 Ma. paggayha paggayha
silaṁ pavecchasi. Sī. selaṁ. 4 Ma. koraṇḍiya. 5 Ma. pāṇi. 6 Ma. ca.
7 Sī. Ma. silaṁ dariyā. 8 Ma. jigīsaṁ.
Kārandiya hāyasi 1 jīvalokaṁ.

[730] Sace ayaṁ bhūtadharaṁ na sakko 2
samaṁ manusso karaṇāyameko
evameva tvaṁ brahme ime manusse
nānādiṭṭhike nānayissasi te.

[731] Saṅkhittarūpena bhavaṁ mamatthaṁ
akkhāsi kārandiya 3 evametaṁ
yathā na sakkā paṭhavī samāyaṁ
kātuṁ 4 manussena tathā manussāti.
Kārandiyajātakaṁ chaṭṭhaṁ.
---------
7 Laṭukikajātakaṁ

[732] Vandāmi taṁ kuñjaraṁ 5 saṭṭhihāyanaṁ
āraññakaṁ yūthapatiṁ yasassiṁ
pakkhehi taṁ pañjalikaṁ karomi
mā me vadhi puttake dubbalāya.

[733] Vandāmi taṁ kuñjaraṁ 5 ekacāriṁ
āraññakaṁ pabbatasānugocaraṁ
pakkhehi taṁ pañjalikaṁ karomi
1 Ma. koraṇḍiya hāhasi. 2 Ma. sace ahaṁ bhūtadharaṁ na sakkā. 3 Ma. koraṇḍiya.
4 Ma. kattuṁ. 5 Ma. kuṇjara.
Mā me vadhi puttake dubbalāya.

[734] Vadhissāmi te laṭukike puttakāni
kiṁ me tvaṁ kāhasi dubbalāsi
satasahassānipi tādisīnaṁ
vāmena pādena pappothayeyyaṁ 1 .

[735] Naheva sabbattha balena kiccaṁ
balaṁ hi bālassa vadhāya hoti
karissāmi te nāgarāja anatthaṁ
yo me vadhi puttake dubbalāya.

[736] Kākañca passa laṭukikaṁ maṇḍūkaṁ nīlamakkhikaṁ
ete nāgaṁ aghātesuṁ passa verassa verinaṁ
tasmā hi veraṁ na kayirātha appiyenapi kenacīti.
Laṭukikajātakaṁ sattamaṁ.
-------
8 Culladhammapālajātakaṁ