[807] Na hi verena verāni sammantīdha kudācanaṁ
averena ca sammanti esa dhammo sanantanoti.
Dīghītikosalajātakaṁ paṭhamaṁ.
----------
2 Migapotakajātakaṁ

[808] Agārā paccupetassa anāgārassa te sato
samaṇassa na taṁ sādhu yaṁ petamanusocasi.

[809] Saṁvāsena have sakka manussassa migassa vā
1 Yu. vaso.
Hadaye jāyate pemaṁ na taṁ sakkā asocituṁ.

[810] Mataṁ marissaṁ rodanti ye rudanti lapanti ca
tasmā tvaṁ isi mā rodi roditaṁ moghamāhu santo.

[811] Roditena have brahme mato peto samuṭṭhahe
sabbe saṅgamma rodāma aññamaññassa ñātake.

[812] Ādittaṁ vata maṁ santaṁ ghatasittaṁva pāvakaṁ
vārinā viya osiñcaṁ sabbaṁ nibbāpaye daraṁ
abbūḷhaṁ 1 vata me sallaṁ yamāsi hadayassitaṁ
yo me sokaparetassa puttasokaṁ apānudi
sohaṁ abbūḷhasallosmi vītasoko anāvilo
na socāmi na rodāmi tava sutvāna vāsavāti.
Migapotakajātakaṁ dutiyaṁ.
---------
3 Mūsikajātakaṁ

[813] Kuhiṁ gatā kattha gatā iti lālappatī jano
ahameveko jānāmi udapāne mūsikā hatā.

[814] Yañcetaṁ iti cintī ca 2 gadrabhova nivattasi
udapāne mūsikaṁ hantvā yavaṁ bhakkhitumicchasi 3 .

[815] Daharo cāsi dummedha paṭhamuppattiko 4 susū 5
1 Ma. abbahi. 2 Sī. yathetaṁ iticiti ca. Ma. yañcetaṁ iti cīti ca.
3 Ma. bhakkhetumicchasi. 4 Sī. Yu. paṭhamuppattito. 5 Ma. susu.
Dīghañcetaṁ 1 samāpajja 2 na te dassāmi jīvitaṁ.

[816] Nāntalikkhabhavanena nāṅgaputtasirena 3 vā
puttena hi patthayito silokehi pamocito.