[887] Catuppadī tvaṁ kalyāṇi dvipadāhaṁ manorame
migī pakkhī asaṁyuttā 2 aññaṁ pariyesa sāmikaṁ.

[888] Komārikā te hessāmi mañjukā piyabhāṇinī
vinda maṁ ariyena vedena kalyāṇiṁ brahmacāriniṁ 3 .

[889] Kuṇapādi 4 lohitape cori kukkuṭapothini
na tvaṁ ariyena vedena mamaṁ bhattāramicchasi.

[890] Evampicāturā 5 nārī disvāna pavaraṁ 6 naraṁ
nenti saṇhāhi vācāhi viḷārī viya kukkuṭaṁ.

[891] Yo ca uppatitaṁ atthaṁ na khippamanubujjhati
amittavasamanveti pacchā ca anutappati.

[892] Yo ca uppatitaṁ atthaṁ khippameva nibodhati
1 Ma. sucittapattachadana. 2 Ma. asaññuttā. 3 Sī. Ma. sāvaya maṁ yadicchasi.
4 Sī. sakuṇakhādini. Ma. kuṇapādini. 5 Ma. evampi caturā. 6 Sī. Ma. sadhanaṁ.
Muccate sattusambādhā kukkuṭova viḷāriyāti.
Kukkuṭajātakaṁ aṭṭhamaṁ.
---------
9 Dhammaddhajajātakaṁ

[893] Dhammaṁ caratha ñātayo dhammaṁ caratha bhadda vo 1
dhammacārī sukhaṁ seti asmiṁ loke paramhi ca.

[894] Bhaddako vatāyaṁ pakkhī dijo paramadhammiko
ekapādena tiṭṭhanto dhammamevānusāsati.

[895] Nāssa sīlaṁ vijānātha anaññāya pasaṁsatha
bhutvā aṇḍañca chāpe ca 2 dhammo dhammoti bhāsati.

[896] Aññaṁ bhaṇati vācāya aññaṁ kāyena kubbati
vācāya no ca kāyena na taṁ dhammaṁ adhiṭṭhito.