[170] Upasampanne upasampannasaññā pānīyena vā vidhūpanena
vā upatiṭṭhati āpatti pācittiyassa. Upasampanne vematikā
pānīyena vā vidhūpanena vā upatiṭṭhati āpatti pācittiyassa.
Upasampanne anupasampannasaññā pānīyena vā vidhūpanena vā
upatiṭṭhati āpatti pācittiyassa. Hatthapāsaṁ vijahitvā upatiṭṭhati
āpatti dukkaṭassa. Khādanīyaṁ khādantassa upatiṭṭhati
1 Ma. Yu. adāsīti.
Āpatti dukkaṭassa. Anupasampannassa upatiṭṭhati āpatti
dukkaṭassa. Anupasampanne upasampannasaññā āpatti
dukkaṭassa. Anupasampanne vematikā āpatti dukkaṭassa.
Anupasampanne anupasampannasaññā āpatti dukkaṭassa.

[171] Anāpatti deti dāpeti anupasampannaṁ āṇāpeti
ummattikāya ādikammikāyāti.
--------
Lasuṇavaggassa sattamasikkhāpadaṁ

[172] Tena samayena buddho bhagavā sāvatthiyaṁ viharati jetavane
anāthapiṇḍikassa ārāme. Tena kho pana samayena bhikkhuniyo
sassakāle āmakadhaññaṁ viññāpetvā nagaraṁ abhiharanti 1 . Dvāraṭṭhāne
dethayye bhāganti palibuddhitvā muñciṁsu. Athakho tā bhikkhuniyo
upassayaṁ gantvā bhikkhunīnaṁ etamatthaṁ ārocesuṁ. Yā tā bhikkhuniyo
appicchā .pe. Tā ujjhāyanti khīyanti vipācenti kathaṁ hi
nāma bhikkhuniyo āmakadhaññaṁ viññāpessantīti .pe. Saccaṁ
kira bhikkhave bhikkhuniyo āmakadhaññaṁ viññāpentīti. Saccaṁ
bhagavāti. Vigarahi buddho bhagavā kathaṁ hi nāma bhikkhave bhikkhuniyo
āmakadhaññaṁ viññāpessanti netaṁ bhikkhave appasannānaṁ vā
pasādāya .pe. Evañca pana bhikkhave bhikkhuniyo imaṁ sikkhāpadaṁ
uddisantu yā pana bhikkhunī āmakadhaññaṁ viññāpetvā 2 vā
1 Ma. Yu. atiharanti. 2 Ma. Yu. viññitvā.
Viññāpāpetvā 1 vā bhajjitvā vā bhajjāpetvā vā koṭṭetvā 2
vā koṭṭāpetvā vā pacitvā vā pacāpetvā vā bhuñjeyya
pācittiyanti.

[173] Yā panāti yā yādisā .pe. Bhikkhunīti .pe. Ayaṁ
imasmiṁ atthe adhippetā bhikkhunīti. Āmakadhaññaṁ nāma sāli vīhi
yavo godhūmo kaṅgu varako kudrūsako. Viññāpetvāti sayaṁ
viññāpetvā. Viññāpāpetvāti aññaṁ viññāpāpetvā.
Bhajjitvāti sayaṁ bhajjitvā. Bhajjāpetvāti aññaṁ bhajjāpetvā.
Koṭṭetvāti sayaṁ koṭṭetveā. Koṭṭāpetvāti aññaṁ
koṭṭāpetvā. Pacitvāti sayaṁ pacitvā. Pacāpetvāti aññaṁ
pacāpetvā. Bhuñjissāmīti paṭiggaṇhāti āpatti dukkaṭassa
ajjhohāre ajjhohāre āpatti pācittiyassa.

[174] Anāpatti ābādhappaccayā aparaṇṇaṁ viññāpeti
ummattikāya ādikammikāyāti.
---------
Lasuṇavaggassa aṭṭhamasikkhāpadaṁ

[175] Tena samayena buddho bhagavā sāvatthiyaṁ viharati jetavane
anāthapiṇḍikassa ārāme. Tena kho pana samayena aññataro
brāhmaṇo nibbiṭṭharājabhaṭo taññeva bhaṭapathaṁ yācissāmīti sīsaṁ
1 Ma. Yu. viññāpetvā. 2 Ma. Yu. koṭṭitvā.
Nahāyitvā bhikkhunūpassayaṁ nissāya rājakulaṁ gacchati. Aññatarā
bhikkhunī kaṭāhe vaccaṁ katvā tirokuḍḍe chaḍḍentī tassa brāhmaṇassa
matthake āsumbhi. Athakho so brāhmaṇo ujjhāyati
khīyati vipāceti assamaṇiyo imā muṇḍā bandhakiniyo kathaṁ hi nāma
gūthakaṭāhaṁ matthake āsumbhissanti imāsaṁ upassayaṁ jhāpessāmīti
ummukaṁ gahetvā upassayaṁ pavisati. Aññataro upāsako
upassayā nikkhamanto addasa taṁ brāhmaṇaṁ ummukaṁ 1 gahetvā
upassayaṁ pavisantaṁ disvāna taṁ brāhmaṇaṁ etadavoca kissa
tvaṁ bho ummukaṁ gahetvā upassayaṁ pavisasīti. Imā bhomaṁ 2
muṇḍā bandhakiniyo gūthakaṭāhaṁ matthake āsumbhiṁsu imāsaṁ upassayaṁ
jhāpessāmīti. Gaccha bho [3]- maṅgalaṁ etaṁ sahassaṁ lacchasi
tañca bhaṭapathanti. Athakho so brāhmaṇo sīsaṁ nahāyitvā
rājakulaṁ gantvā sahassaṁ alattha tañca bhaṭapathaṁ. Athakho so
upāsako upassayaṁ pavisitvā bhikkhunīnaṁ etamatthaṁ ārocetvā
paribhāsi. Yā tā bhikkhuniyo appicchā .pe. Tā ujjhāyanti
khīyanti vipācenti kathaṁ hi nāma bhikkhuniyo uccāraṁ tirokuḍḍe
chaḍḍessantīti .pe. Saccaṁ kira bhikkhave bhikkhuniyo uccāraṁ
tirokuḍḍe chaḍḍentīti. Saccaṁ bhagavāti. Vigarahi buddho bhagavā
kathaṁ hi nāma bhikkhave bhikkhuniyo uccāraṁ tirokuḍḍe chaḍḍessanti
netaṁ bhikkhave appasannānaṁ vā pasādāya .pe. Evañca pana
1 Ma. ummukkaṁ. 2 Ma. Yu. imā maṁ bho. 3 Ma. Yu. etthantare brāhmaṇaiti
dissati.
Bhikkhave bhikkhuniyo imaṁ sikkhāpadaṁ uddisantu yā pana bhikkhunī
uccāraṁ vā passāvaṁ vā saṅkāraṁ vā vighāsaṁ vā tirokuḍḍe vā
tiropākāre vā chaḍḍeyya vā chaḍḍāpeyya vā pācittiyanti.

[176] Yā panāti yā yādisā .pe. Bhikkhunīti .pe. Ayaṁ
imasmiṁ attha adhippetā bhikkhunīti. Uccāro nāma gūtho vuccati.
Passāvo nāma muttaṁ vuccati. Saṅkāraṁ nāma kacavaraṁ vuccati.
Vighāsaṁ nāma calakāni vā aṭṭhikāni vā ucchiṭṭhodakaṁ vā vuccati 1 .
Kuḍḍo nāma tayo kuḍḍā iṭṭhakākuḍḍo silākuḍḍo dārukuḍḍo.
Pākāro nāma tayo pākārā iṭṭhakāpākāro silāpākāro
dārupākāro. Tirokuḍḍeti kuḍḍassa parato. Tiropākāreti
pākārassa parato. Chaḍḍeyyāti sayaṁ chaḍḍeti āpatti
pācittiyassa. Chaḍḍāpeyyāti aññaṁ āṇāpeti āpatti
dukkaṭassa sakiṁ āṇattā bahukaṁpi chaḍḍeti āpatti
pācittiyassa.

[177] Anāpatti oloketvā chaḍḍeti avalañje chaḍḍeti
ummattikāya ādikammikāyāti.
----------
Lasuṇavaggassa navamasikkhāpadaṁ

[178] Tena samayena buddho bhagavā sāvatthiyaṁ viharati jetavane
1 Ma. Yu. potthakesu na dissatāyaṁ pāṭho.
Anāthapiṇḍikassa ārāme. Tena kho pana samayena aññatarassa
brāhmaṇassa bhikkhunūpassayaṁ nissāya yavakkhettaṁ hoti. Bhikkhuniyo
uccāraṁpi passāvaṁpi saṅkāraṁpi vighāsaṁpi khette chaḍḍenti. Athakho
so brāhmaṇo ujjhāyati khīyati vipāceti kathaṁ hi nāma bhikkhuniyo
amhākaṁ yavakkhettaṁ dūsessantīti. Assosuṁ kho bhikkhuniyo tassa
brāhmaṇassa ujjhāyantassa khīyantassa vipācentassa. Yā tā
bhikkhuniyo appicchā .pe. Tā ujjhāyanti khīyanti vipācenti
kathaṁ hi nāma bhikkhuniyo uccāraṁpi passāvaṁpi saṅkāraṁpi vighāsaṁpi harite
chaḍḍessantīti .pe. Saccaṁ kira bhikkhave bhikkhuniyo uccāraṁpi passāvaṁpi
saṅkāraṁpi vighāsaṁpi harite chaḍḍentīti. Saccaṁ bhagavāti. Vigarahi
buddho bhagavā kathaṁ hi nāma bhikkhave bhikkhuniyo uccāraṁpi passāvaṁpi
saṅkāraṁpi vighāsaṁpi harite chaḍḍessanti netaṁ bhikkhave appasannānaṁ
vā pasādāya .pe. Evañca pana bhikkhave bhikkhuniyo imaṁ sikkhāpadaṁ
uddisantu yā pana bhikkhunī uccāraṁ vā passāvaṁ vā saṅkāraṁ vā
vighāsaṁ vā harite chaḍḍeyya vā chaḍḍāpeyya vā pācittiyanti.

[179] Yā panāti yā yādisā .pe. Bhikkhunīti .pe. Ayaṁ
imasmiṁ atthe adhippetā bhikkhunīti. Uccāro nāma gūtho vuccati.
Passāvo nāma muttaṁ vuccati. Saṅkāraṁ nāma kacavaraṁ vuccati.
Vighāsaṁ nāma calakāni vā aṭṭhikāni vā ucchiṭṭhodakaṁ vā vuccati 1 .
Haritaṁ nāma pubbaṇṇaṁ aparaṇṇaṁ yaṁ manussānaṁ upabhogaparibhogaṁ
1 Ma. Yu. ayaṁ pāṭho natthi.
Ropimaṁ. Chaḍḍeyyāti sayaṁ chaḍḍeti āpatti pācittiyassa.
Chaḍḍāpeyyāti aññaṁ āṇāpeti āpatti dukkaṭassa sakiṁ
āṇattā bahukaṁpi chaḍḍeti āpatti pācittiyassa.