[637] Evameva manussesu yo hoti seṭṭhasammato
so cepi 5 dhammaṁ carati pageva itarā pajā
1 Ma. khīṇaphalanti. 2 Ma. khattiye. 3 Ma. sabbā tā jimhaṁ gacchanti.
4 Yu. sabbā tā ujuṁ gacchanti. 5 Ma. sace.
Sabbaṁ raṭṭhaṁ sukhaṁ seti rājā ce hoti dhammikoti.
Rājovādajātakaṁ catutthaṁ.
----------
5 Jambukajātakaṁ

[638] Brahā pavaḍḍhakāyo so dīghadāṭhova jambuka
na tvaṁ tamhi kule jāto yattha gaṇhanti kuñjaraṁ.

[639] Asīho sīhamānena yo attānaṁ vikubbati
kutthuva 1 gajamāsajja seti bhūmyā anutthunaṁ.

[640] Yasassino uttamapuggalassa
sañjātakhandhassa mahabbalassa
asamekkhiya kāmabalūpapattiṁ
sa seti nāgena hatoyaṁ jambuko.

[641] Yo cīdha kammaṁ kurute pamāya
thāmabalaṁ attani saṁviditvā
jappena mantena subhāsitena
parikkhavā so vipulaṁ jinātīti.
Jambukajātakaṁ pañcamaṁ.
--------
6 Brahāchattajātakaṁ

[642] Tiṇaṁ tiṇanti lapasi ko nu te tiṇamāhari
1 Ma. kotthūva. Sī. koṭṭhūva.
Kinnu te tiṇakiccatthi tiṇameva pabhāsati.

[643] Idhāgamā brahmacārī brahāchatto bahussuto
so me sabbaṁ samādāya tiṇaṁ nikkhippa gacchati.

[644] Evetaṁ hoti kattabbaṁ appena bahumicchatā
sabbaṁ sakassa ādānaṁ anādānaṁ tiṇassa ca
tiṇassa cāṭīsu gato tattha kā paridevanā 1 .

[645] Sīlavanto na kubbanti bālo sīlāni kubbati
aniccasīlaṁ dussīlyaṁ 2 kiṁ paṇḍiccaṁ karissatīti.
Brahāchattajātakaṁ chaṭṭhaṁ.
----------
7 Pīṭhajātakaṁ

[646] Na te pīṭhamadāsimha 3 na pānaṁ napi bhojanaṁ
brahmacārī khamassu me etaṁ passāmi accayaṁ.