[647] Nevābhisajjāmi nacāpi kuppe
nacāpi me appiyamāsi kiñci
athopi me āsi manovitakko
etādiso nūna kulassa dhammo.

[648] Esasmākaṁ kule dhammo pitupitāmaho sadā
āsanaṁ udakaṁ pajjaṁ sabbetaṁ nipadāmase.
1 Ma. idaṁ gāthāpādadvayaṁ na dissati. 2 Yu. dussīlaṁ. 3 Ma. pīṭhamadāyimhā.

[649] Esasmākaṁ kule dhammo pitupitāmaho sadā
sakkaccaṁ upatiṭṭhāma uttamaṁ viya ñātakanti.
Pīṭhajātakaṁ sattamaṁ.
-------
8 Thusajātakaṁ

[650] Viditaṁ thusaṁ undurānaṁ viditaṁ pana taṇḍulaṁ
thusaṁ thusaṁ 1 vivajjitvā taṇḍulaṁ pana khādare.

[651] Yā mantanā araññasmiṁ yā ca gāme nikaṇṇikā
yañcetaṁ iti cintī ca 2 etampi viditaṁ mayā.

[652] Dhammena kira jātassa pitā puttassa makkaṭo
daharasseva santassa dantehi phalamacchidā.

[653] Yametaṁ parisappasi ajakāṇova sāsape
yopāyaṁ heṭṭhato seti 3 etampi viditaṁ mayāti.
Thusajātakaṁ aṭṭhamaṁ.
---------
9 Bāverujātakaṁ

[654] Adassanena morassa sikhino mañjubhāṇino
kākaṁ tattha apūjesuṁ maṁsena ca phalena ca.

[655] Yadā ca sarasampanno moro bāverumāgamā
1 Sī. thusaṁ thūlaṁ. 2 Ma. ... cīti ca. 3 Sī. sesi.
Atha lābho ca sakkāro vāyasassa ahāyatha.

[656] Yāva nuppajjatī buddho dhammarājā pabhaṅkaro
tāva aññe apūjesuṁ puthū samaṇabrāhmaṇe.