[617] Cāleti kaṇṇaṁ bhakuṭiṁ karoti
muhuṁ muhuṁ bhāyate 3 kumāre
sayameva taṁ kāhati kāḷabāhu
yenārakā ṭhassati annapānāti.
Kāḷabāhujātakaṁ navamaṁ.
----------
10 Sīlavīmaṁsajātakaṁ

[618] Sīlaṁ kireva kalyāṇaṁ sīlaṁ loke anuttaraṁ
passa ghoraviso nāgo sīlavāti na haññati.

[619] Yāvadevassahū kiñci tāvadeva akhādisuṁ
saṅgamma kulalā loke na hiṁsanti akiñcanaṁ.

[620] Sukhaṁ nirāsā supati āsā phalavatī sukhā
āsaṁ nirāsaṁ katvāna sukhaṁ supati piṅgalā.

[621] Na samādhiparo atthi asmiṁ loke paramhi ca
na paraṁ nāpi attānaṁ vihiṁsati samāhitoti.
Sīlavīmaṁsajātakaṁ dasamaṁ.
Kuṭidūsakavaggo tatiyo.
1 Ma. dakkhisāma. 2 Sī. Yu. nibbāpitaṁ. Ma. niddhāvitaṁ. 3 Sī. bhāsayate.
Ma. bhāyayate.
Tassuddānaṁ
samanussa saduddu sayācanako
atha meṇḍavaruttama godhavaro
atha kāya sakepuka bhotīvaro
atha rādha susīlavarena dasa.
---------
4 Kokilavaggo
1 kokālikajātakaṁ 1

[622] Yo ve kāle asampatte ativelaṁ pabhāsati
evaṁ so nihato seti kokilāyeva 2 atrajo.

[623] Na hi satthaṁ sunisitaṁ visaṁ halāhalammiva 3
evaṁ nikkaḍhe 4 pāteti vācā dubbhāsitā yathā.

[624] Tasmā kāle akāle ca 5 vācaṁ rakkheyya paṇḍito
nātivelaṁ pabhāseyya api attasamamhi vā.

[625] Yo ca kāle mitaṁ bhāse matipubbo vicakkhaṇo
sabbe amitte ādeti supaṇṇo uragammivāti 6 .
Kokālikajātakaṁ paṭhamaṁ.
--------
2 Rathalaṭṭhijātakaṁ

[626] Api hantvā hato brūti jetvā jitoti bhāsati
1 Ma. kokilajātakaṁ. 2 Ma. kokilāyiva. 3 Ma. halāhalāmiva. 4 Ma. nikaṭṭhe.
5 Ma. vā. 6 Ma. uragāmivāti.
Pubbamakkhāyino 1 rāja etadatthuṁ 2 na saddahe.