[607] Kathaṁ samuddamatari kathaṁ atari kepukaṁ 3
kathaṁ satta samuddāni kathaṁ simbalimāruhi.

[608] Tayā samuddamatariṁ tayā atari kepukaṁ 4
tayā satta samuddāni tayā simbalimāruhiṁ.

[609] Dhiratthu maṁ mahākāyaṁ dhiratthu maṁ acetanaṁ
yattha jāyāyahaṁ jāraṁ āvahāmi vahāmi cāti.
Kākātijātakaṁ sattamaṁ.
---------
8 Ananusociyajātakaṁ

[610] Bahūnaṁ vijjatī bhotī tehi me kiṁ bhavissati
tasmā etaṁ na socāmi piyaṁ sammillahāsiniṁ.

[611] Taṁ tañce anusoceyya yaṁ yaṁ tassa na vijjati
attānamanusoceyya sadā maccuvasaṁ pattaṁ 5 .
1 Ma. kākavatījātakaṁ. 2 Ma. kākavatī. 3-4 Sī. Yu. kebukaṁ. 5 Ma. pataṁ.

[612] Na heva tiṭṭhaṁ nāsīnaṁ na sayānaṁ na patthaguṁ 1
yāvuppatti nimissati 2 tatrāpi saratī 3 vayo.

[613] Tatthattani vatappanthe 4 vinābhāve asaṁsaye
bhūtaṁ sesaṁ dayitabbaṁ cavitaṁ 5 ananusociyanti.
Ananusociyajātakaṁ aṭṭhamaṁ.
----------
9 Kāḷabāhujātakaṁ

[614] Yaṁ annapānassa pure labhāma
tandāni sākhamigameva gacchati
gacchāmadāni vanameva rādha
asakkatāvamha dhanañjayāya.

[615] Lābho alābho yaso ayaso ca
nindā pasaṁsā ca sukhaṁ ca dukkhaṁ
ete aniccā manujesu dhammā
mā soci kiṁ socasi poṭṭhapāda.

[616] Addhā tuvaṁ paṇḍitakosi rādha
jānāsi atthāni anāgatāni
1 Sī. Ma. paddhaguṁ. 2 Sī. yāva pāti nimisati. Ma. yāva byāti nimisati.
3 Ma. rasatī. 4 Ma. vatappaddhe. 5 Sī. Ma. vītaṁ.
Kataṁ nukho sākhamigaṁ dakkhāma 1
niddhāpitaṁ 2 rājakulatova jammaṁ.