[597] Evaṁ so nihato seti yo apūjaṁ pasaṁsati 7
yathāhamajja pahato hato meṇḍena dummatīti.
Cammasāṭakajātakaṁ catutthaṁ.
----------
1 Sī. Ma. abhikaṅkhamāno. 2 Ma. avasakkatī. 3 Ma. ūruṭṭhi bhaggaṁ pavaṭṭito.
4 Ma. sabbañca bhaṇḍaṁ brāhmaṇassa .... 5 Ma. paggayha. 6 Sī. Ma. abhidhāvatha
haññate brahmacārī. 7 Sī. Yu. namassati.
5 Godhajātakaṁ 1

[598] Samaṇantaṁ maññamāno upagañchiṁ asaññataṁ
so maṁ daṇḍena pāhāsi yathā assamaṇo tathā.

[599] Kinte jaṭāhi dummedha kinte ajinasāṭiyā
abbhantarante gahanaṁ bāhiraṁ parimajjasi.

[600] Ehi godha nivattassu bhuñja sālīnamodanaṁ
telaṁ loṇañca me atthi pahutaṁ 2 mayhaṁ pipphali.

[601] Esa bhiyyo pavekkhāmi vammikaṁ sataporisaṁ
telaṁ loṇañca kintesi 3 ahitaṁ mayhaṁ pipphalīti.
Godhajātakaṁ pañcamaṁ.
--------
6 Kakkārujātakaṁ

[602] Kāyena yo nāvahare vācāya na musā bhaṇe
yaso laddhā na majjeyya save kakkārumarahati.

[603] Dhammena vittameseyya na nikatyā dhanaṁ hare
bhoge laddhā na majjeyya save kakkārumarahati.

[604] Yassa cittaṁ ahāliddaṁ saddhā ca avirāginī
eko sāduṁ na bhuñjeyya save kakkārumarahati.

[605] Sammukhā vā tirokkhā 4 vā yo sante na paribhāsati
1 Ma. godharājajātakaṁ. 2 Ma. pahūtaṁ. 3 Ma. kittesi. 4 Yu. parokkhā vā.
Yathāvādī tathākārī save kakkārumarahatīti.
Kakkārujātakaṁ chaṭṭhaṁ.
--------
7 Kākātijātakaṁ 1

[606] Vāti cāyaṁ tato gandho yattha me vasatī piyā
dūre ito hi kākāti 2 yattha me nirato mano.