[577] Na paṭicca kammaṁ phusati mano ce nappadussati
appossukkassa bhadrassa na pāpamupalimpatīti.
Tittirajātakaṁ navamaṁ.
--------
10 Succajajātakaṁ

[578] Succajaṁ vata naccaji vācāya adadaṁ giriṁ
kiñci 1 tassa cajantassa vācāya adadaṁ 2 pabbataṁ.

[579] Yañhi kayirā tañhi vade yaṁ na kayirā na taṁ vade
akarontaṁ bhāsamānaṁ parijānanti paṇḍitā.

[580] Rājaputta namo tyatthu sacce dhamme ṭhitovasi 3
yassa te byasanaṁ patto saccasmiṁ ramate mano.

[581] Yā daliddī daliddassa aḍḍhā aḍḍhassa kittimā 4
sā hissa paramā bhariyā sahiraññassa itthiyoti.
Succajajātakaṁ dasamaṁ.
Pucimandavaggo dutiyo.
---------
Tassuddānaṁ
atha cora sakassapa khantivaro
dujjīvitatā ca varā pharusā
1 Ma. kiṁ hitassa .... 2 Ma. adada. 3 Ma. ṭhito casi. 4 Ma. kittima.
Atha sasa mataṁ ca vasanta sukhaṁ
succajaṁvatanaccajinā ca dasa.
---------
3 Kuṭidūsakavaggo
1 kuṭidūsakajātakaṁ

[582] Manussasseva te sīsaṁ hatthapādā ca vānara
atha kena nu vaṇṇena agārante na vijjati.

[583] Manussasseva me sīsaṁ hatthapādā ca siṅgila
yāhu seṭṭhā manussesu sā me paññā na vijjati.

[584] Anavaṭṭhitacittassa lahucittassa dubbhino 1
niccaṁ addhuvasīlassa sukhabhāvo 2 na vijjati.

[585] So karassu ānubhāvaṁ vītivattassu sīliyaṁ
sītavātaparittāṇaṁ karassu kuṭikaṁ 3 kapīti.
Kuṭidūsakajātakaṁ paṭhamaṁ.
--------
2 Duddubhāyajātakaṁ

[586] Duddubhāyati 4 bhaddante yasmiṁ dese vasāmahaṁ
ahampetaṁ na jānāmi kimetaṁ duddubhāyati.
1 Yu. dūbhino. 2 Sī. suvibhāvo. 3 Sī. kulavaṁ. Ma. kuṭavaṁ. 4 Sī. Yu. daddabhāyati.