[557] Sohaṁ nūna ito gantvā yoniṁ laddhāna mānusiṁ
vadaññū sīlasampanno kāhāmi kusalaṁ bahunti.
Lohakumbhijātakaṁ catutthaṁ.
---------
5 Maṁsajātakaṁ 2

[558] Pharusā vata te vācā maṁsaṁ yācanako asi
kilomasadisī vācā kilomaṁ samma dammi te.

[559] Aṅgametaṁ manussānaṁ bhātā loke pavuccati
aṅgassa sadisī vācā aṅgaṁ samma dadāmi te.

[560] Tātāti putto vadamāno kampeti hadayaṁ pitu
hadayassa sadisī vācā hadayaṁ samma dammi te.

[561] Yassa gāme sakhā natthi yathāraññaṁ tatheva taṁ
sabbassa sadisī vācā sabbaṁ samma dadāmi teti.
Maṁsajātakaṁ pañcamaṁ.
--------
6 Sasapaṇḍitajātakaṁ

[562] Satta me rohitā macchā udakā thalamubbhatā
idaṁ brāhmaṇa me atthi etaṁ bhutvā vane vasa.

[563] Dussa me khettapālassa rattiṁ bhattaṁ apābhataṁ
1 Ma. mārisā. 2 Ma. sabbamaṁsalābhajātakaṁ.
Maṁsasūlā ca dve godhā ekañca dadhivārakaṁ
idaṁ brāhmaṇa me atthi etaṁ bhutvā vane vasa.

[564] Ambapakkaṁ 1 dakaṁ sītaṁ sītacchāyaṁ 2 manoramaṁ
idaṁ brāhmaṇa me atthi etaṁ bhutvā vane vasa.

[565] Na sasassa tilā atthi na muggā napi taṇḍulā
iminā agginā pakkaṁ mamaṁ bhutvā vane vasāti.
Sasapaṇḍitajātakaṁ chaṭṭhaṁ.
----------
7 Matarodanajātakaṁ

[566] Matamatameva 3 rodatha na hi taṁ rodatha yo marissati
sabbeva 4 sarīradhārino anupubbena jahanti jīvitaṁ.