[567] Devā manussā catuppadā pakkhigaṇā uragā ca bhogino
yamhi 5 sarīre anissarā ramamānāva jahanti jīvitaṁ.

[568] Evaṁ calitaṁ asaṇṭhitaṁ sukhadukkhaṁ manujesu apekkhiyaṁ 6
kanditaṁ ruṇataṁ 7 niratthakaṁ kiṁ vo sokagaṇābhikīrare.

[569] Dhuttā soṇḍā ca akatā bālā sūrā [8]- ayogino
dhīraṁ maññanti bāloti ye dhammassa akovidāti.
Matarodanajātakaṁ sattamaṁ.
---------
1 Sī. Yu. ambapakkodakaṁ. 2 Ma. sītacchāyā manoramā. 3 Ma. mataṁ mataṁ eva.
4 Ma. sabbepi. 5 Yu. asmiṁ. 6 Ma. manujesvapekkhiya.
7 Ma. kanditaruditaṁ. 8 Yu. dhīrā.
8 Kaṇaverajātakaṁ

[570] Yantaṁ vasantasamaye kaṇaveresu bhāṇusu
sāmaṁ bāhāya pīḷesi sā taṁ ārogyamabravi.

[571] Ambho na kira saddheyyaṁ yaṁ vāto pabbataṁ vahe
pabbatañce vahe vāto sabbampi paṭhaviṁ vahe
yattha sāmā kālakatā sāmaṁ ārogyamabravi.

[572] Na ceva sā kālakatā na ca sā aññamicchati
ekabhattā 1 kira sāmā tameva abhikaṅkhati.

[573] Asanthutaṁ maṁ cirasanthutena
nimini sāmā adhuvaṁ dhuvena
mayāpi sāmā nimineyya aññaṁ
ito ahaṁ dūrataraṁ gamissanti.
Kaṇaverajātakaṁ aṭṭhamaṁ.
---------
9 Tittirajātakaṁ

[574] Susukhaṁ vata jīvāmi labhāmi ceva bhuñjituṁ
paripantheva tiṭṭhāmi kā nu bhante gatī mama.

[575] Mano ce te nappaṇamati pakkhi pāpassa kammuno
avyāvaṭassa bhadrassa na pāpamupalimpati.

[576] Ñātako no nisinnoti bahu āgacchate jano
1 Ma. ekarattikirī. Yu. ekabhattakirī.
Paṭicca kammaṁ phusati tasmiṁ me saṅkate mano.