[547] Sacepi santo vivadanti khippaṁ sandhiyare 4 puna
bālā pattāva bhijjanti na te samathamajjhagū.

[548] Ete bhiyyo samāyanti sandhi tesaṁ na jīrati
yo cādhipannaṁ jānāti yo ca jānāti desanaṁ.

[549] Eso hi uttaritaro bhārāvaho dhurandharo 5
1 Ma. gahesuṁ. 2 Ma. yaṁ nu. 3 Ma. appenti. 4 Ma. sandhīyare.
5 Ma. bhāravaho dhuraddharo.
Yo paresādhipannānaṁ sayaṁ sandhātumarahatīti.
Kassapamandiyajātakaṁ dutiyaṁ.
--------
3 Khantivādijātakaṁ

[550] Yo te hatthe ca pāde ca kaṇṇanāsañca chedayi
tassa kujjha mahāvīra mā raṭṭhaṁ vinassa 1 idaṁ.

[551] Yo me hatthe ca pāde ca kaṇṇanāsañca chedayi
ciraṁ jīvatu so rājā nahi kujjhanti mādisā.

[552] Ahu atītamaddhāne 2 samaṇo khantidīpano
taṁ khantiyāyeva ṭhitaṁ kāsirājā achedayi.

[553] Tassa kammapharusassa 3 vipāko kaṭuko ahu
yaṁ kāsirājā vedesi nirayamhi samappitoti.
Khantivādijātakaṁ tatiyaṁ.
---------
4 Lohakumbhijātakaṁ

[554] Dujjīvitamajīvimha yesanno na dadāmase 4
vijjamānesu bhogesu dīpaṁ nākamha attano.

[555] Saṭṭhiṁ 5 vassasahassāni paripuṇṇāni sabbaso
niraye paccamānānaṁ kadā anto bhavissati.

[556] Natthi anto kuto anto na anto paṭidissati
1 Ma. vinasā. 2 Ma. atītamaddhānaṁ. 3 Sī. Yu. kammassa. 4 Ma. ye sante na dadamhase.
5 Ma. saṭṭhi.
Tadāhi pakataṁ pāpaṁ mama tuyhañca mārisa 1 .