[527] Dūre suto ceva brahā ca rukkho
dese ṭhito bhūtanivāsarūpo
tasmā namassāmi imaṁ palāsaṁ
ye cettha bhūtā te 1 dhanassa hetu.

[528] So te karissāmi yathānubhāvaṁ
kataññutaṁ brāhmaṇa pekkhamāno
kathaṁ hi āgamma sataṁ sakāse
moghā 2 te assu pariphanditāni.

[529] Yo tindurukkhassa 3 paro pilakkho 4
parivārito pubbayañño uḷāro
tasseva mūlasmi nidhi nikhāto
adāyādo gaccha naṁ uddharāhīti.
Palāsajātakaṁ sattamaṁ.
--------
8 Javasakuṇajātakaṁ 5

[530] Akaramhāva 6 te kiccaṁ yaṁ balaṁ ahuvamhase
migarāja namo tyatthu api kiñci labhāmase.

[531] Mama lohitabhakkhassa niccaṁ luddāni kubbato
dantantaragato santo taṁ bahuṁ yampi jīvasi.
1 Sī. Yu. te ca. 2 Ma. moghāni. 3 Ma. tindukarukkhassa.
4 Sī. Yu. pilakkhā. 5 Ma. sakuṇajātakaṁ. 6 Ma. akaramhasaṁ.

[532] Akataññumakattāraṁ katassa appaṭikārakaṁ
yasmiṁ kataññutā natthi niratthā tassa sevanā.

[533] Yattha 1 sammukhaciṇṇena mittadhammo na labbhati
anussūyamanakkosaṁ 2 saṇikaṁ tamhā apakkameti.
Javasakuṇajātakaṁ aṭṭhamaṁ.
---------
9 Chavajātakaṁ 3

[534] Sabbaṁ idañca marikataṁ 4 ubho dhammaṁ na passare
ubho pakatiyā cutā yo cāyaṁ mante jhāpeti
yo ca mantaṁ adhīyati.

[535] Sālīnaṁ odanaṁ bhuñje suciṁ maṁsūpasecanaṁ
tasmā etaṁ na sevāmi dhammaṁ isībhi sevitaṁ.

[536] Paribbaja mahā loko pacantaññepi pāṇino
mā tvaṁ 5 adhammo ācarito tasmā kumbhamivābhidā.