[507] Adeyyesu adadaṁ 3 dānaṁ deyyesu yo pavecchati
āpāsu byasanaṁ patto sahāyaṁ adhigacchati.

[508] Saññogasambhoga visesadassanaṁ
anariyadhammesu saṭhesu nassati
katañca ariyesu ca añjasesu 4
mahapphalaṁ hoti aṇumpi tādisu.

[509] Yo pubbe katakalyāṇo akā loke sudukkaraṁ
pacchā kayirā na vā kayirā accantaṁ pūjanārahoti.
Mahāassārohajātakaṁ dutiyaṁ.
----------
1 Sī. abyagghatā. Ma. abyaggatā. 2 Sī. nikkhamanañca 3 Ma. nādeyyesu dadaṁ ....
4 Sī. Ma. ajjavesu.
3 Ekarājajātakaṁ

[510] Anuttare kāmaguṇe samiddhe
bhutvāna pubbe vasi 1 ekarāja
sodāni dugge narakamhi khitto
nappajjahe vaṇṇabalaṁ purāṇaṁ.

[511] Pubbeva khantī ca tapo ca mayhaṁ
sampatthitā dubbhisena 2 ahosi
tandāni laddhāna kathannu rāja
jahe ahaṁ vaṇṇabalaṁ purāṇaṁ.

[512] Sabbā kireva 3 pariniṭṭhitāni
yasassinaṁ paññavantaṁ visayha
yaso ca laddhā purimaṁ uḷāraṁ
nappajjahe vaṇṇabalaṁ purāṇaṁ.

[513] Panujja dukkhena sukhaṁ janinda
sukhena vā dukkhamasayhasāhi
ubhayattha santo abhinibbutattā
sukhe ca dukkhe ca bhavanti tulyāti.
Ekarājajātakaṁ tatiyaṁ.
1 Ma. vasī. 2 Sī. Yu. dabbasenā. 3 Ma. kirevaṁ.
4 Daddarajātakaṁ

[514] Imāni maṁ daddara tāpayanti
vācāduruttāni manussaloke
maṇḍūkabhakkhā udakantasevī
asīvisaṁ 1 maṁ avisā sapanti.

[515] Sakā raṭṭhā pabbājito aññaṁ janapadaṁ gato
mahantaṁ koṭṭhaṁ kayirātha duruttānaṁ nidhetave.

[516] Yattha posaṁ na jānanti jātiyā vinayena vā
na tattha mānaṁ kayirātha vasaṁ aññātake jane.