[487] Ko nvāyaṁ 2 loṇatoyasmiṁ samantā paridhāvati
macche makare ca vāreti ūmīsu ca vihaññati.

[488] Anantapāyī sakuṇo atittoti disā suto
samuddaṁ pātumicchāmi sāgaraṁ saritappatiṁ.

[489] Soyaṁ hāyatī ceva pūrateva mahodadhi
nāssa nāyati pītanto apeyyo kira sāgaroti.
Samuddajātakaṁ chaṭṭhaṁ.
--------
7 Kāmavilāpajātakaṁ

[490] Ucce sakuṇa ḍemāna pattayāna vihaṅgama
vajjāsi kho tvaṁ vāmūruṁ ciraṁ kho sā karissati.

[491] Idaṁ kho sā na jānāti asiṁ sattiñca oḍḍitaṁ
sā caṇḍī kāhatī kodhaṁ taṁ me tappati no idha 3 .
1 Sī. kotthuko. Ma. sigālo. 2 Ma. nāyaṁ. 3 Ma. idaṁ.

[492] Esa uppalasannāho nikkhañcussīsake kataṁ 1
kāsikañca muduṁ vatthaṁ tappetu dhanakāmiyāti 2
kāmavilāpajātakaṁ sattamaṁ.
----------
8 Udumbarajātakaṁ

[493] Udumbarā cime pakkā nigrodhā ca kapitthanā
ehi nikkhamma bhuñjassu kiṁ jighacchāya miyyasi.

[494] Evaṁ so suhito hoti yo vuḍḍhamapacāyati
yathāhamajja suhito dumapakkāni māsito.

[495] Yaṁ vanejo vanejassa vañceyya kapino kapi
daharopi na saddheyya 3 nahi jiṇṇo jarākapīti.
Udumbarajātakaṁ aṭṭhamaṁ.
----------
9 Komāriyaputtajātakaṁ 4

[496] Pure tuvaṁ sīlavataṁ sakāse
okkandikaṁ 5 kīḷasi assamamhi
karohare makkaṭiyāni makkaṭa
na taṁ mayaṁ sīlavataṁ ramāma.
1 Ma. ... nikkhañcussīsakohitaṁ. 2 Ma. dhanikā piyāti. 3 Ma. daharo kapi saddheyya.
4 Ma. komāraputta .... 5 Ma. okkantikaṁ.