[477] Tesāhaṁ pahito dūto rañño camhi idhāgato
bhattu apacitiṁ kummi nāsāyamakaraṁ 6 vaṇanti.
Supattajātakaṁ dutiyaṁ.
--------
3 Kāyanibbindajātakaṁ

[478] Phuṭṭhassa me aññatarena byādhinā
rogena bāḷhaṁ dukhitassa ruppato
parisussati khippamidaṁ kaḷevaraṁ
pupphaṁ yathā paṁsuni ātape kataṁ.

[479] Ajaññaṁ jaññasaṅkhātaṁ asuciṁ sucisammataṁ
nānākuṇapaparipūraṁ jaññarūpaṁ apassato.
1 Sī. Yu. bhinno va. 2 Sī. Yu. bārāṇassaṁ. 3 Sī. Yu. nivāriko. 4 Ma.
suphassā. 5 Sī. suphassā macchamicchati. 6 Sī. Yu. ... makariṁ.

[480] Dhiratthumaṁ āturaṁ pūtikāyaṁ
jigucchiyaṁ asuciṁ byādhidhammaṁ
yatthappamattā adhimucchitā pajā
hāpenti maggaṁ sugatūpapattiyāti.
Kāyanibbindajātakaṁ tatiyaṁ.
---------
4 Jambūkhādakajātakaṁ

[481] Koyaṁ bindussaro vaggu saravantānamuttamo
accuto jambusākhāya moracchāpova kujjati.

[482] Kulaputto pajānāti kulaputtaṁ 1 pasaṁsituṁ
byagghacchāpasadisavaṇṇa bhuñja samma dadāmi te.

[483] Cirassaṁ vata passāmi musāvādī samāgate
vantādaṁ kuṇapādañca aññamaññaṁ pasaṁsaketi.
Jambūkhādakajātakaṁ catutthaṁ.
---------
5 Antajātakaṁ

[484] Usabhasseva te khandho sīhasseva vijambhitaṁ
migarāja namo tayatthu api kiñci labhāmase.

[485] Kulaputto pajānāti kulaputtaṁ 2 pasaṁsituṁ
mayūragīvasaṅkāsa ito pariyāhi vāyasa.
1-2 Sī. Yu. kulaputte.

[486] Migānaṁ koṭṭhako 1 anto pakkhīnaṁ pana vāyaso
eraṇḍo anto rukkhānaṁ tayo antā samāgatāti.
Antajātakaṁ pañcamaṁ.
-------
6 Samuddajātakaṁ