[467] Putto ājaññakaṁ rathaṁ kaññā ca maṇikuṇḍalaṁ
yā cesā puṇṇakā 1 jammī udukkhalaṁ abhikaṅkhati.

[468] Brāhmaṇassa gāmavaraṁ brāhmaṇiyā gavaṁ sataṁ
puttassa ājaññarathaṁ kaññāya maṇikuṇḍalaṁ
yañcetaṁ puṇṇakaṁ 2 jammiṁ paṭipādethudukkhalanti.
Nānāchandajātakaṁ navamaṁ.
----------
10 Sīlavīmaṁsajātakaṁ

[469] Sīlaṁ kireva kalyāṇaṁ sīlaṁ loke anuttaraṁ
passa ghoraviso nāgo sīlavāti na haññati.

[470] Sohaṁ sīlaṁ samādissaṁ loke anumataṁ sivaṁ
1 Ma. puṇṇikā. 2 Ma. puṇṇikaṁ.
Ariyavuttisamācāro yena vuccati sīlavā.

[471] Ñātīnañca piyo hoti mittesu ca virocati
kāyassa bhedā sugatiṁ upapajjati sīlavāti.
Sīlavīmaṁsajātakaṁ dasamaṁ.
Abbhantaravaggo catuttho.
-------
Tassuddānaṁ
duma kaṁsa varuttamabyagghamigā
maṇayo maṇi sālukamavhayano
anusāsaniyo pica macchavaro
maṇikuṇḍalakena kirena dasa.
---------
5 Kumbhavaggo
1 bhadraghaṭabhedakajātakaṁ 1

[472] Sabbakāmadadaṁ kumbhaṁ kūṭaṁ laddhāna dhuttako
yāva naṁ anupāleti tāva so sukhamedhati.

[473] Yadā matto ca ditto ca pamādā kumbhamabbhidā
tato 2 naggo ca pottho ca pacchā bālo vihaññati.

[474] Evameva [3]- dhanaṁ laddhā pamatto 4 paribhuñjati
1 Ma. surāghaṭajātakaṁ. 2 Ma. tadā. 3 Ma. yo. 4 Sī. amattā. Yu. amatto.
Pacchā tapati dummedho kūṭaṁ bhitvāva 1 dhuttakoti.
Bhadraghaṭabhedakajātakaṁ paṭhamaṁ.
---------
2 Supattajātakaṁ

[475] Bārāṇasyaṁ 2 mahārāja kākarājā nivāsako 3
asītiyā sahassehi supatto parivārito.

[476] Tassa dohaḷinī bhariyā supassā 4 bhakkhitumicchati 5
rañño mahānase pakkaṁ paccagghaṁ rājabhojanaṁ.