[497] Sutā hi mayhaṁ paramā visuddhi
komāriyaputtassa 1 bahussutassa
mādāni maṁ maññi tuvaṁ yathā pure
jhānābhiyuttā viharāma āvuso 2 .

[498] Sacepi selasmi vapeyya bījaṁ
devo ca vasse na hi taṁ virūḷhe
sutā hi te sā paramā visuddhi
ārā tuvaṁ makkaṭa jhānabhūmyāti 3 .
Komāriyaputtajātakaṁ navamaṁ.
-----------
10 Bakajātakaṁ

[499] Parapāṇaghāte 4 jīvanto maṁsalohitabhojano
bako vataṁ samādāya upapajji uposathaṁ.

[500] Tassa sakko vataññāya ajarūpenupāgami
vītatapo ajjhapatto bhañji lohitapo tapaṁ.

[501] Evameva idhekacco 5 samādānasmi dubbalo 6
lahuṁ karoti 7 attānaṁ bakova ajakāraṇāti.
Bakajātakaṁ dasamaṁ.
Kumbhavaggo pañcamo.
1 Ma. komāraputta .... 2 Ma. jhānānuyutto viharāmi āvuso. 3 Ma. jhānabhūmiyāti.
4 Ma. parapāṇarodhā. 5 Ma. idhekacce. 6 Ma. dubbalā. 7 Ma. aronti.
Tassuddānaṁ
varakumbha supattasirivhayano
sucisammata bindussaro cusabho
saritaṁpati caṇḍī jarākapinā
atha makkaṭiyā vakakena dasāti.
--------
Vagguddānaṁ
saṅkappo padumo ceva udapānena tatiyaṁ
abbhantaraṁ ghaṭabhedaṁ tikanipātamhilaṅkataṁ 1 .
Tikanipātaṁ niṭṭhitaṁ.
--------
1 purāṇapotthake vagguddānaṁ naṭṭhaṁ. idaṁ kittisobhanena mayā likhitaṁ.
Catukkanipātajātakaṁ
1 kāliṅgavaggo
1 cullakāliṅgajātakaṁ

[502] Vivaratha imāsaṁ dvāraṁ nagarantaṁ pavīsituṁ 1
aruṇarājassa sīhena susiṭṭhena 2 surakkhitaṁ nandisenena.

[503] Jayo kāliṅgānaṁ asayhasāhinaṁ
parājayo ajayo 3 assakānaṁ
iccevaṁ 4 te bhāsitaṁ brahmacāri
na ujubhūtā vitathaṁ bhaṇanti.

[504] Devā musāvādamupātivattā
saccaṁ tathaṁ paramaṁ karaṁ nu sakka 5
tante musā bhāsitaṁ devarāja
kiṁ vā paṭicca maghavā mahinda 6 .

[505] Nanu te sutaṁ brāhmaṇa bhaññamāne
devā na issanti purisaparakkamassa
damo samādhi manaso abhejjo 7
1 Sī. nagaraṁ pavisantu. Ma. virutimāsaṁ dvāraṁ nagaraṁ pavisantu.
2 Sī. Yu. susatthena. 3 Sī. Ma. anayo. 4 Ma. icceva. 5 Sī. Ma. saccaṁ dhanaṁ
paramantesu sakka. 6 Sī. janinda. 7 Sī. Yu. adejjo.
Abyattatā 1 nikkamanañca 2 kāle
daḷhañca viriyaṁ purisaparakkamo ca
teneva āsi vijayo assakānanti.
Cullakāliṅgajātakaṁ paṭhamaṁ.
----------
2 Mahāassārohajātakaṁ

[506] Adeyyesu dadaṁ dānaṁ deyyesu nappavecchati
āpāsu byasanaṁ patto sahāyaṁ nādhigacchati.