[517] Videsavāsaṁ vasato jātavedasamenapi
khamitabbaṁ sapaññena api dāsassa tajjitanti.
Daddarajātakaṁ catutthaṁ.
--------
5 Sīlavīmaṁsajātakaṁ

[518] Natthi loke raho nāma pāpakammaṁ pakubbato
passanti vanabhūtāni taṁ bālo maññate 2 raho.

[519] Ahaṁ raho na passāmi suññaṁ vāpi na vijjati
yattha suññaṁ 3 na passāmi asuññaṁ hoti taṁ mayā.

[520] Dujjacco ca sujacco 4 ca nando ca sukhavacchano 5
1 Ma. āsīvisaṁ. 2 Ma. maññatī. 3 Ma. aññaṁ. 4 Yu. ajacco.
5 Ma. sukhavaḍḍhito.
Vajjho 1 addhuvasīlo ca te dhammaṁ jahumatthikā.

[521] Brāhmaṇo ca kathaṁ jahe sabbadhammāna pāragū
yo dhammaṁ anupāleti dhitimā saccanikkamoti.
Sīlavīmaṁsajātakaṁ pañcamaṁ.
--------
6 Sujātājātakaṁ

[522] Kiṁ aṇḍakā ime deva nikkhittā kaṁsamallake
upalohitakā vaggū taṁ 2 me akkhāhi pucchito.

[523] Yāni pure tuvaṁ devi bhaṇḍu nantakavāsinī
ucchaṅgahatthā pacināsi tassā te koliyaṁ phalaṁ.

[524] Udayhate 3 na ramati bhogā vippajahanti taṁ
tatthevimaṁ paṭinetha yattha kolaṁ pacissati.

[525] Honti hete mahārāja iddhippattāya nāriyā
khama deva sujātāya māssā kujjha rathesabhāti.
Sujātājātakaṁ chaṭṭhaṁ.
--------
7 Palāsajātakaṁ

[526] Acetanaṁ brāhmaṇa assuṇantaṁ
jāno ajānantamimaṁ palāsaṁ
āraddhavīriyo dhuvamappamatto
1 Ma. phavajjho. 2 Yu. te. 3 Ma. uḍḍayhate.
Sukhaseyyaṁ pucchasi kissa hetu.