[537] Dhiratthu taṁ yasalābhaṁ dhanalābhañca brāhmaṇa
yā vutti vinipātena adhammacaraṇena vāti.
Chavajātakaṁ navamaṁ.
--------
1 Ma. yassa. 2 Ma. anusūya --. Sī. Yu. anusuyya ---. 3 chavakajātakaṁ.
4 Sī. sabbamidaṁ carimavataṁ. Ma. sabbamidaṁ carimaṁ kataṁ. 5 Ma. taṁ.
10 Sayhajātakaṁ 1

[538] Sasamuddapariyāyaṁ mahiṁ sāgarakuṇḍalaṁ
na icche saha nindāya evaṁ sayha 2 vijānahi.

[539] Dhiratthu taṁ yasalābhaṁ dhanalābhañca brāhmaṇa
yā vutti vinipātena adhammacaraṇena vā.

[540] Api ce pattamādāya anāgāro paribbaje
sāeva jīvikā seyyo yā cādhammena esanā.

[541] Api ce pattamādāya anāgāro paribbaje
aññaṁ ahiṁsayaṁ loke api rajjena taṁ varanti.
Sayhajātakaṁ dasamaṁ
kāliṅgavaggo 3 paṭhamo.
--------
Tassuddānaṁ
vivaraṁ ca adeyya samiddhavaraṁ
atha daddara pāpamahātiraho
atha koli palāsavarañcakara
carimaṁ sasamuddavarena dasa.
--------
2 Pucimandavaggo
1 pucimandajātakaṁ

[542] Uṭṭhehi cora kiṁ sesi ko attho supanena 4 te
1 Ma. seyyajātakaṁ. 2 Ma. seyya. 3 Sī. Yu. vivaravaggo.
4 Sī. supitena. Yu. supinena.
Mā taṁ gahesu 1 rājāno gāme kibbisakārakaṁ.

[543] Nanu 2 coraṁ gahessanti gāme kibbisakārakaṁ
kiṁ tattha pucimandassa vane jātassa tiṭṭhato.

[544] Na tvaṁ assattha jānāsi mama corassa cantaraṁ
coraṁ gahetvā rājāno gāme kibbisakārakaṁ
accenti 3 nimbasūlasmiṁ tasmiṁ me saṅkate mano.

[545] Saṅkeyya saṅkitabbāni rakkheyyānāgataṁ bhayaṁ
anāgatabhayā dhīro ubho loke avekkhatīti.
Pucimandajātakaṁ paṭhamaṁ.
---------
2 Kassapamandiyajātakaṁ

[546] Api kassapa mandiyā yuvā sapati hanti vā
sabbantaṁ khamate dhīro paṇḍito taṁ titikkhati.