[140] Atirekacatukkaṁse atirekasaññā cetāpeti nissaggiyaṁ
pācittiyaṁ. Atirekacatukkaṁse vematikā cetāpeti nissaggiyaṁ
1 Ma. etthantare bhikkhunīti pāṭhapadaṁ dissati 2 Ma. Yu. viññāpesīti.
3 Ma. Yu. garupāvuraṇaṁ. 4 uttari. sabbattha evaṁ ñātabbaṁ. 5 pāvuraṇaṁ.
Pācittiyaṁ. Atirekacatukkaṁse ūnakasaññā cetāpeti nissaggiyaṁ
pācittiyaṁ. Ūnakacatukkaṁse atirekasaññā āpatti dukkaṭassa.
Ūnakacatukkaṁse vematikā āpatti dukkaṭassa. Ūnakacatukkaṁse
ūnakasaññā anāpatti.

[141] Anāpatti catukkaṁsaparamaṁ cetāpeti ūnakacatukkaṁsaparamaṁ
cetāpeti ñātakānaṁ pavāritānaṁ aññassatthāya attano
dhanena mahagghaṁ cetāpetukāmassa appagghaṁ cetāpeti ummattikāya
ādikammikāyāti.
---------
Cīvaravaggassa dutiyasikkhāpadaṁ

[142] Tena samayena buddho bhagavā sāvatthiyaṁ viharati jetavane
anāthapiṇḍikassa ārāme. Tena kho pana samayena thullanandā
bhikkhunī bahussutā hoti bhāṇikā visāradā paṭṭhā dhammiṁ kathaṁ kātuṁ.
Athakho rājā pasenadi kosalo uṇhakāle mahagghaṁ khomaṁ pārupitvā
yena thullanandā bhikkhunī tenupasaṅkami upasaṅkamitvā thullanandaṁ
bhikkhuniṁ abhivādetvā ekamantaṁ nisīdi. Ekamantaṁ nisinnaṁ kho rājānaṁ
pasenadiṁ kosalaṁ thullanandā bhikkhunī dhammiyā kathāya sandassesi
samādapesi samuttejesi sampahaṁsesi. Athakho rājā pasenadi kosalo
thullanandāya bhikkhuniyā dhammiyā kathāya sandassito samādapito samuttejito
sampahaṁsito thullanandaṁ bhikkhuniṁ etadavoca vadeyyāsi ayye yena
Atthoti. Sace me tvaṁ mahārāja dātukāmosi imaṁ khomaṁ dehīti.
Atha rājā pasenadi kosalo thullanandāya bhikkhuniyā khomaṁ datvā
uṭṭhāyāsanā thullanandaṁ bhikkhuniṁ abhivādetvā padakkhiṇaṁ katvā
pakkāmi. Manussā ujjhāyanti khīyanti vipācenti mahicchā imā
bhikkhuniyo asantuṭṭhā kathaṁ hi nāma rājānaṁ khomaṁ viññāpessantīti.
Assosuṁ kho bhikkhuniyo tesaṁ manussānaṁ ujjhāyantānaṁ khīyantānaṁ
vipācentānaṁ. Yā tā bhikkhuniyo appicchā .pe. Tā ujjhāyanti
khīyanti vipācenti kathaṁ hi nāma ayyā thullanandā rājānaṁ
khomaṁ viññāpessatīti .pe. Saccaṁ kira bhikkhave thullanandā bhikkhunī
rājānaṁ khomaṁ viññāpetīti 1 . Saccaṁ bhagavāti. Vigarahi buddho
bhagavā kathaṁ hi nāma bhikkhave thullanandā bhikkhunī rājānaṁ khomaṁ
viññāpessati netaṁ bhikkhave appasannānaṁ vā pasādāya .pe.
Evañca pana bhikkhave bhikkhuniyo imaṁ sikkhāpadaṁ uddisantu lahupāpuraṇaṁ 2
pana bhikkhuniyā cetāpentiyā aḍḍhateyyakaṁsaparamaṁ
cetāpetabbaṁ tato ce uttariṁ cetāpeyya nissaggiyaṁ pācittiyanti.

[143] Lahupāpuraṇaṁ nāma yaṅkiñci uṇhakāle pāpuraṇaṁ.
Cetāpentiyāti viññāpentiyā. Aḍḍhateyyakaṁsaparamaṁ cetāpetabbanti
dasakahāpaṇagghanakaṁ cetāpetabbaṁ. Tato ce uttariṁ cetāpeyyāti
taduttariṁ viññāpeti payoge dukkaṭaṁ paṭilābhena nissaggiyaṁ hoti
1 Ma. Yu. viññāpesīti. 2 Ma. Yu. lahupāvuraṇaṁ.
Nissajjitabbaṁ saṅghassa vā gaṇassa vā ekabhikkhuniyā vā. Evañca
pana bhikkhave nissajjitabbaṁ idaṁ me ayye lahupāpuraṇaṁ
atirekāḍḍhateyyakaṁsaparamaṁ cetāpitaṁ nissaggiyaṁ imāhaṁ saṅghassa
nissajjāmīti .pe. Dadeyyāti .pe. Dadeyyunti .pe. Ayyāya
dammīti.

[144] Atirekāḍḍhateyyakaṁse atirekasaññā cetāpeti
nissaggiyaṁ pācittiyaṁ. Atirekāḍḍhateyyakaṁse vematikā cetāpeti
nissaggiyaṁ pācittiyaṁ. Atirekāḍḍhateyyakaṁse ūnakasaññā cetāpeti
nissaggiyaṁ pācittiyaṁ. Ūnakāḍḍhateyyakaṁse atirekasaññā āpatti
dukkaṭassa. Ūnakāḍḍhateyyakaṁse vematikā āpatti dukkaṭassa.
Ūnakāḍḍhateyyakaṁse ūnakasaññā anāpatti.

[145] Anāpatti aḍḍhateyyakaṁsaparamaṁ cetāpeti ūnakāḍḍhateyyakaṁsaparamaṁ
cetāpeti ñātakānaṁ pavāritānaṁ aññassatthāya
attano dhanena mahagghaṁ cetāpetukāmassa appagghaṁ cetāpeti
ummattikāya ādikammikāyāti.

[146] Uddiṭṭhā kho ayyāyo tiṁsa nissaggiyā pācittiyā
dhammā. Tatthayyāyo pucchāmi kaccittha parisuddhā. Dutiyampi
pucchāmi kaccittha parisuddhā. Tatiyampi pucchāmi kaccittha parisuddhā.
Parisuddhetthayyāyo tasmā tuṇhī. Evametaṁ dhārayāmīti.
Nissaggiyā pācittiyā niṭṭhitā 1 .
1 Ma. Yu. tiṁsanissaggiyaṁ niṭṭhitaṁ.
Pācittiyakaṇḍaṁ
ime kho panayyāyo chasaṭṭhisatā pācittiyā dhammā uddesaṁ
āgacchanti.
Lasuṇavaggassa paṭhamasikkhāpadaṁ

[147] Tena samayena buddho bhagavā sāvatthiyaṁ viharati jetavane
anāthapiṇḍikassa ārāme. Tena kho pana samayena aññatarena
upāsakena bhikkhunīsaṅgho lasuṇena pavārito hoti yāsaṁ ayyānaṁ
lasuṇena attho ahaṁ lasuṇenāti. Khettapālo ca āṇatto
hoti sace bhikkhuniyo āgacchanti ekamekāya bhikkhuniyā dve
tayo bhaṇḍike dehīti. Tena kho pana samayena sāvatthiyaṁ ussavo
hoti. Yathābhataṁ lasuṇaṁ parikkhayaṁ agamāsi. Bhikkhuniyo taṁ upāsakaṁ
upasaṅkamitvā etadavocuṁ lasuṇena āvuso atthoti. Nattheyye
yathābhataṁ lasuṇaṁ parikkhīṇaṁ khettaṁ gacchathāti. Thullanandā bhikkhunī
khettaṁ gantvā na mattaṁ jānitvā bahuṁ lasuṇaṁ harāpesi.
Khettapālo ujjhāyati khīyati vipāceti kathaṁ hi nāma bhikkhuniyo
khettaṁ 1 gantvā na mattaṁ jānitvā bahuṁ lasuṇaṁ harāpessantīti.
Assosuṁ kho bhikkhuniyo [2]- khettapālassa ujjhāyantassa khīyantassa
vipācentassa. Yā tā bhikkhuniyo appicchā .pe. Tā ujjhāyanti
1 Ma. Yu. khettaṁ gantvāti pāṭhadvayaṁ natthi. 2 Ma. Yu. etthantare tassāti
dissati.
Khīyanti vipācenti kathaṁ hi nāma ayyā thullanandā na mattaṁ
jānitvā bahuṁ lasuṇaṁ harāpessatīti .pe. Saccaṁ kira bhikkhave
thullanandā bhikkhunī na mattaṁ jānitvā bahuṁ 1 lasuṇaṁ harāpetīti 2 . Saccaṁ
bhagavāti. Vigarahi buddho bhagavā kathaṁ hi nāma bhikkhave thullanandā
bhikkhunī na mattaṁ jānitvā bahuṁ 3 lasuṇaṁ harāpessati netaṁ
bhikkhave appasannānaṁ vā pasādāya pasannānaṁ vā bhiyyobhāvāya
athakhvetaṁ bhikkhave appasannānañceva appasādāya pasannānañca
ekaccānaṁ aññathattāyāti.

[148] Athakho bhagavā thullanandaṁ bhikkhuniṁ anekapariyāyena
vigarahitvā bhikkhūnaṁ tadanucchavikaṁ tadanulomikaṁ dhammiṁ kathaṁ katvā bhikkhū
āmantesi bhūtapubbaṁ bhikkhave thullanandā bhikkhunī aññatarassa
brāhmaṇassa pajāpatī 4 ahosi. Tisso ca dhītaro nandā nandavatī
sundarīnandā. Athakho bhikkhave so brāhmaṇo kālaṁ katvā
aññataraṁ haṁsayoniṁ upapajji. Tassa sabbasovaṇṇamayā pattā
ahesuṁ. So tāsaṁ ekekaṁ pattaṁ deti. Athakho bhikkhave thullanandā
bhikkhunī ayaṁ haṁso amhākaṁ ekekaṁ pattaṁ detīti taṁ
haṁsarājaṁ gahetvā nippattaṁ akāsi. Tassa puna jāyamānā
pattā setā sampajjiṁsu. Tadāhu 5 bhikkhave thullanandā bhikkhunī atilobhena
suvaṇṇā parihīnā idāni lasuṇā parihāyissatīti.
1-3 Yu. ayaṁ pāṭho natthi. 2 Ma. Yu. harāpesīti.
4 Ma. Yu. pajāpati iti pāṭhapadaṁ dissati. 5 Ma. Yu. tadāpīti dissati.

[149] Yaṁ laddhaṁ tena tuṭṭhabbaṁ atilobho hi pāpako.
Haṁsarājaṁ gahetvāna suvaṇṇā parihāyathāti.