[437] Evameva idhekacco puggalo hoti tādiso
hitebhi vacanaṁ vutto paṭiggaṇhati vāmato.
1 Ma. ājīvikā. 2 Ma. mahiṁsarājajātakaṁ. 3 Sī. Yu. kamattha .... 4 sa. Yu. dūbhino.
5 Sī. sabbakāmadadasseva. 6 Sī. Ma. nihanāhetaṁ. 7 Sī. Ma. pakujjheyyuṁ.
8 Ma. aññepevaṁ.

[438] Ye ca kho naṁ pasaṁsanti bhayā ukkaṁsayanti vā
tañhi so maññate mittaṁ satapattaṁva māṇavoti.
Satapattajātakaṁ navamaṁ.
--------
10 Pūṭadūsakajātakaṁ

[439] Addhā hi nūna migarājā pūṭakammassa kovido
tathāhi pūṭaṁ dūseti aññaṁ nūna karissati.

[440] Na me pitā vā mātā vā pūṭakammassa kovidā
kataṁ kataṁ kho dūsema evaṁ dhammamidaṁ kulaṁ.

[441] Yesaṁ vo ediso dhammo adhammo pana kīdiso
mā vo dhammaṁ adhammaṁ vā addasāma kudācananti.
Pūṭadūsakajātakaṁ dasamaṁ.
Udapānavaggo 1 tatiyo
---------
tassuddānaṁ
udapānavaraṁ vanabyaggha kapi
sikhinī ca balākaruciravaro
sujanādhipa romaka dūsa puna
satapattavaro pūṭakamma dasa.
----------
1 Sī. Yu. araññavaggo.
4 Abbhantaravaggo
1 abbhantarajātakaṁ

[442] Abbhantaro nāma dumo yassa dibyamidaṁ phalaṁ
bhutvā dohaḷinī nārī cakkavattiṁ vijāyati.

[443] Tvampi 1 bhadde mahesīsi sā cāpi 2 patino piyā
āharissati te rājā idaṁ abbhantaraṁ phalaṁ.

[444] Bhatturatthe parakkanto yaṁ ṭhānamadhigacchati
sūro attapariccāgī labhamāno bhavāmahanti.
Abbhantarajātakaṁ paṭhamaṁ.
--------
2 Seyyajātakaṁ

[445] Seyyaṁso seyyaso hoti yo seyyamupasevati
ekena sandhiṁ katvāna sataṁ vajjhe amocayiṁ.

[446] Tasmā sabbena lokena sandhiṁ katvāna ekako 3
pecca saggaṁ nigaccheyya idaṁ suṇātha kāsiyā.