[417] Etha byagghā nivattavho paccupetha 1 mahāvanaṁ
mā no 2 vanaṁ chindi nibyagghaṁ byagghā māhesu nibbanāti.
Byagghajātakaṁ dutiyaṁ.
---------
3 Kacchapajātakaṁ

[418] Ko nu vaḍḍhitabhattova 3 pūrahatthova brāhmaṇo
kahannu bhikkhaṁ acari kaṁ saddhaṁ upasaṅkami.

[419] Ahaṁ kapismi dummedho anāmāsāni āmasiṁ
tvaṁ maṁ mocaya bhaddante mutto gaccheyya pabbataṁ.

[420] Kacchapā kassapā honti koṇḍaññā honti makkaṭā
muñca kassapa koṇḍaññaṁ kataṁ methunakaṁ tayāti.
Kacchapajātakaṁ tatiyaṁ.
-------
4 Lolajātakaṁ

[421] Kāyaṁ balākā sikhinī corī laṅghīpitāmahā 4
1 Sī. Yu. paccametha. 2 Ma. ayaṁ saddo natthi. 3 Ma. uddhitabhattova.
4 Ma. laṅghipitāmahā.
Oraṁ balāke āgaccha caṇḍo me vāyaso sakhā.

[422] Nāhaṁ balākā sikhinī ahaṁ lolasmi vāyaso
akatvā vacanaṁ tuyhaṁ passa lūnosmi āgato.

[423] Puna pāpajjasī samma sīlaṁ hi tava tādisaṁ
nahi mānusikā 1 bhogā subhuñjā honti pakkhināti.
Lolajātakaṁ catutthaṁ.
--------
5 Rucirajātakaṁ

[424] Kāyaṁ balākā rucirā kākaniṇḍasmi 2 macchati
caṇḍo kāko sakhā mayhaṁ yassa 3 cetaṁ kulāvakaṁ.

[425] Nanu maṁ samma jānāsi dija sāmakabhojanaṁ
akatvā vacanaṁ tuyhaṁ passa lūnosmi āgato.

[426] Puna pāpajjasī samma sīlaṁ hi tava tādisaṁ
nahi mānusikā 4 bhogā subhuñjā honti pakkhināti.
Rucirajātakaṁ pañcamaṁ.
--------
6 Kurudhammajātakaṁ