[407] Nanu passasimaṁ kāḷiṁ dubbaṇṇaṁ tilakāhataṁ
kokilaṁ saṇhavācena bahūnaṁ pāṇinaṁ piyaṁ.

[408] Tasmā sakhilavācassa mantabhāṇī anuddhato
atthaṁ dhammañca dīpeti madhurantassa bhāsitanti.
Sujātājātakaṁ navamaṁ.
---------
10 Ulūkajātakaṁ

[409] Sabbehi kira ñātīhi kosiyo issaro kato
sace ñātīhi anuññāto 4 bhaṇeyyāhaṁ ekavācikaṁ.

[410] Bhaṇa samma anuññāto atthaṁ dhammañca kevalaṁ
santi hi daharā pakkhī paññavanto jutindharā.

[411] Na me ruccati bhaddaṁ vo ulūkassābhisecanaṁ
1 Sī. Ma. ye caññe. 2 Ma. visaseno va. 3 Ma. sujātajātakaṁ.
4 Sī. Yu. ñātīhanuññāto.
Akkuddhassa mukhaṁ passa kathaṁ kuddho karissatīti.
Ulūkajātakaṁ dasamaṁ.
Padumavaggo dutiyo
--------
tassuddānaṁ
padumuttama nāgasirivhayano
samahaṇṇava yūpa khurappavaro
atha bhaddalī kuñjara rukkha puna
kharavāca ulūkavarena dasa.
---------
3 Udapānadūsakavaggo 1
1 udapānadūsakajātakaṁ

[412] Āraññakassa 2 isino ciraṁ rattaṁ tapassino
kicchākataṁ udapānaṁ kathaṁ samma apāhasi 3 .

[413] Esa dhammo sigālānaṁ yaṁ pivitvā ohadāmase
pitupitāmahaṁ dhammo na taṁ ujjhātumarahasi.

[414] Yesaṁ vo ediso dhammo adhammo pana kīdiso
mā vo dhammaṁ adhammaṁ vā addasāma kudācananti.
Udapānadūsakajātakaṁ paṭhamaṁ.
1 Ma. udapānavagga. 2 Ma. araññikassa. 3 Sī. Ma. avāhasi.
2 Byagghajātakaṁ

[415] Yena mittena saṁsaggā yogakkhemo vihīyati
pubbevajjhābhavantassa rakkhe akkhiṁva paṇḍito.

[416] Yena mittena saṁsaggā yogakkhemo pavaḍḍhati
kareyyattasamaṁ vuttiṁ sabbakiccesu paṇḍito.